顏府御膳 (已結業)

由於喜歡食中菜，最近朋友推介左銅鑼灣既顏府御膳比我，第二日就去食晚飯。值得加分位係提供甜合桃作伴碟小吃，唔似普通菜館清一色花生，果然係行精緻路線。合桃黑花生煲雞腳西施骨湯: 湯料好足，有一大隻雞腳同豬骨，飲得到用左好耐時間煲，好入味。青瓜海蜇頭: 青瓜爽口脆卜卜，海蜇頭好大舊，有嚼口，好開胃。脆豆腐：椒鹽無好重手，反而甘樣先唔會太咸，蓋左豆腐既味道。炸得恰到好處，油溫夠熱，豆腐先唔會散。鐵板鮮沙薑陳皮生煎雞：餐廳的特色小菜之一，用左鮮沙薑同陳皮醃雞肉，沙薑咸味又帶少少酸，味道都幾特別，值得推介。XO醬蝦乾芥蘭：讚好芥蘭既處理手法，將芥蘭皮完全去除，加入蝦乾炒，芥蘭滑溜溜好入味。