影片
更多
2018-10-10
123 浏览
想搵地方#happyhour🍻，上網搵倒呢間靚裝修新式中菜，話國慶仲有煙花景架🎇🎆🎇！一於趁happy friday 踩下場。侍應貼心咁推介左幾項菜色，因應蟹季所以好多菜式都有蟹肉入饌。而且唔係廉價蟹肉，而係亞拉斯加蟹肉蟹棒，食落淡淡海水味。前菜及小吃點左櫻花蝦避風塘茄子，睇落好似椒鹽豆付，但內里係茄子並無整到太濕，乾爽更顯出避風塘煮法嘅香口。蟹肉米網卷入面有好多蟹肉，加上加熱嘅蟹膏醬，侍應話可以先食米網卷先再點蟹膏醬，兩種口味，正正正。貴為新派粵菜，叫個蝦餃食下先，其實係三文魚籽鳳眼餃。餃上加左數粒三文魚籽，只能用鮮味形容。亞拉斯加蟹肉南瓜羮嘅南瓜蓉有啖啖南瓜味，而碟底先係驚喜，有一層蒸蛋白，好有蛋香。加埋蟹肉令成個湯高級左。黑松露海皇鮑汁繪米形粉望落似意大利飯，不過咬落口應係意粉類，好特別，配以中式煮法，好巧心思。係繁華嘅銅鑼灣鬧市，可以搵倒個可以放鬆心情嘅地方，實在難得。價錢又唔貴，下次可以試下食午餐，欣賞埋日景。
侍應貼心咁推介左幾項菜色，因應蟹季所以好多菜式都有蟹肉入饌。而且唔係廉價蟹肉，而係亞拉斯加蟹肉蟹棒，食落淡淡海水味。
前菜及小吃點左櫻花蝦避風塘茄子，睇落好似椒鹽豆付，但內里係茄子並無整到太濕，乾爽更顯出避風塘煮法嘅香口。
蟹肉米網卷入面有好多蟹肉，加上加熱嘅蟹膏醬，侍應話可以先食米網卷先再點蟹膏醬，兩種口味，正正正。
貴為新派粵菜，叫個蝦餃食下先，其實係三文魚籽鳳眼餃。餃上加左數粒三文魚籽，只能用鮮味形容。
亞拉斯加蟹肉南瓜羮嘅南瓜蓉有啖啖南瓜味，而碟底先係驚喜，有一層蒸蛋白，好有蛋香。加埋蟹肉令成個湯高級左。
黑松露海皇鮑汁繪米形粉望落似意大利飯，不過咬落口應係意粉類，好特別，配以中式煮法，好巧心思。
係繁華嘅銅鑼灣鬧市，可以搵倒個可以放鬆心情嘅地方，實在難得。價錢又唔貴，下次可以試下食午餐，欣賞埋日景。
张贴
