Cubus 28 (已易手) 新餐厅

又到生日月，雖然又老一歲不過一踏入6月就有朋友同我慶祝都係開心既~呢日好友就帶我到利園3期對面既Cubus慶祝,搭玻璃𨋢上到 28樓既Cubus 28出𨋢第一個感覺係比較型格,而且高樓底既落地玻璃景觀開揚，菜式亦係走Fusion、高檔路線~第一道菜，如果唔講比你知呢度菜係咩，你可能會覺得係炸金黃豆腐~其實係避風塘茄子，黃金色既外層香脆，你唔會食到一條條既茄子纖維，入口超嫩。花膠螺頭片波士頓龍蝦湯中西合璧既做法，龍蝦味濃郁鮮味，略帶酒香。切粒既花膠螺頭都入味~金箔阿拉斯加蟹肉南瓜蛋白羹橙紅色既南瓜湯，驟眼跟龍蝦湯相似，不過做法好特別~上面放上好搶眼既金箔蟹肉，而南瓜湯羹下面有一層蒸滑蛋白。充滿海洋氣息嘅黑珍珠海膽燒賣海膽味道偏濃，一啖入口，海膽、爽彈既蝦肉，仲有燒賣既肉餡3個味道層次、口感出哂黎~原隻法國鵪鶉釀糯米飯呢個係中法融合既配搭好特別。鵪鶉本身係養生之物，有益中氣、清利濕熱既功效，而且肉質幼嫩，烤焗過更香。糯米亦有益氣、健脾養胃之效，炒過加左蝦米、臘肉既糯米飯，芳香充斥整隻鵪鶉~蒙古調味麥芽糖慢煮澳洲法式烤羊架慢煮過既羊架肉質細嫩幼滑，略帶騷香。慢煮時間配合得好好，色澤粉紅，又唔