瀛豐放題料理專門店

又到大閘蟹時間啦！ 呢次黎到銅鑼灣瀛豐食大閘蟹放題，$499/2小時起，除左大閘蟹，仲有任點刺身壽司、串燒燒物、泰式食物、甜品等等～ 另外可upgrade任食生蠔、海膽帆立貝！ 呢個放題就最啱一眾大閘蟹迷，每隻約4両即叫即蒸，上檯熱騰騰勁吸引，色香美味，開殼金黃爆膏，蟹膏香滑creamy，蟹肉鮮甜白嫩。 Upgrade 生蠔+$138/位，口感爽滑，海水鮮味。飲品、沙律前菜、甜品都喺自助區，飲品仲有薑母茶食大閘蟹飲就最啱～ 甜品細細杯可以試好多款，最正係唔太甜！ 刺身每款點少少已經一大盤，樣樣都好新鮮。最中意係油甘魚、赤蝦、馬刀貝。 壽司手卷即叫即做，原條穴子壽司好嫩滑。食完再encore。火炙左口魚邊油香軟滑、和牛火炙壽司夠肥美。海膽甘蝦三文魚籽手卷、吞拿魚腩蓉手卷，足料又豐富。泰菜有香辣飛天通菜、炒椰菜苗，炒得入味冬蔭公蝦湯、泰式酸辣鳳爪、辣椒膏炒蜆、麻辣煮田螺，辣得開胃。