mr.kanso (已結業)

位於銅鑼灣的罐頭酒吧餐廳Mr Kanso，一直都好想去試下，今日終於叫到男朋友同我一齊去食午餐。餐牌上每一樣都好吸引，但叫得多又食唔曬，所以叫左2個意粉和2個小食，烤雞肉黑胡椒味意粉，雞肉烤到少少焦香，配搭黑胡椒粒，帶少少胡椒辣味，好惹味！蟹子伴玉子燒，玉子用火槍微微烤焦外層，並放上鮮味蟹籽，放落口，玉子非常香甜鬆軟。一口蟹膏多士 ，炸到金黃色的多士夾滿著蟹膏，一啖放落口，蟹膏的鹹鮮味爆發出來，引唔住要食多件！蕃茄吞拿魚意粉 ，酸酸甜甜的蕃茄好鮮甜和吞拿魚的經典組合，配上彈牙有口感的意粉，蕃茄汁掛係麵條上面，鮮味在口中爆發出來。Eclipse 係一杯偏甜的酒精飲品，用Gin, 荔枝味甜酒 , 蘋果汁,檸檬汁和玫瑰糖水調製出來來的，顏色好靚，一定要同佢影相打卡呀！下次要同姊妹一齊嚟食！