MEMOIR (已結業)

今晚小妹約左朋友拎影相用品, 朋友咁辛苦當然要請佢食飯, 於是就揀左附近嘅樓上西餐試試, 餐廳環境昏暗幾有情調, 旁邊有花花裝飾, 打卡不錯, 餐牌除左寫左有咩食之外, 入面仲畫左同貼左好多貓貓圖同故事, 非常有心思!🌟吉列牛肉薯餅薯餅炸起熱辣辣, 外層酥脆, 牛肉同薯蓉味道不錯🌟輕炸蓮藕片蓮藕片脆卜卜, 沾埋蜜糖芥末醬食好惹味, 佐酒一流🌟日本廣島蠔燴意大利飯一上枱已經聞到陣陣蠔香味, 廣島蠔味道濃郁鮮甜, 口感幾creamy, 意大利飯煙煙韌韌, 軟硬適中, 整體味道不錯🌟照燒汁焗春雞春雞熱辣辣出哂煙, 一切開肉汁滿瀉, 外皮微脆加上搽滿照燒汁, 非常惹味, 雞肉鮮嫩多汁而且幾入味, 非常有驚喜!