影片
更多
2019-06-23
106 浏览
銅鑼灣有情調嘅fusion菜～！上星期老公帶我食生日飯，佢事前故作神秘，話要俾個驚喜我。佢帶咗我去Lee Garden 後面一棟新起嘅商廈，原來係去頂樓嘅cubus 28!餐廳樓底極高，裝修好cyber，空間感亦好大，部分靠窗嘅位置可以俯瞰成個銅鑼灣嘅view, 好有情調～！未睇Menu之前，會以為佢係一間普通嘅Bar Restaurant, 肯定係食burger 同薯條之類喇。點知原來Menu有極多選擇，大部份係中西合璧嘅fusion 菜。最後我哋揀咗有五個course嘅Tasting Menu.前菜- 海膽牛油果蟹肉沙律海膽非常之鮮味，沙律入面嘅蟹肉亦非常之多，係一個令人非常開胃嘅前菜湯羹-花膠螺頭片波士頓龍蝦湯我哋兩個都揀咗龍蝦湯，入面材料十足，有大大嚿花膠同龍蝦肉，正啊！主菜- 原隻法國鵪鶉䖆糯米飯 & 澳洲法式烤羊架我主菜叫咗鵪鶉䖆糯米飯，老公就叫咗烤羊架。初頭我都有擔心係高級餐廳用刀叉食鵪鶉會唔會比較「呢hea」。但係一上枱佢就打消左我嘅煩惱，原來成隻鵪鶉已經去咗骨，啲肉汁入晒落糯米飯入面，超好味，係我嘅重心推介！點心- 黑珍珠海膽燒賣燒賣上面有海膽，我都係第一次食，但係原
上星期老公帶我食生日飯，佢事前故作神秘，話要俾個驚喜我。佢帶咗我去Lee Garden 後面一棟新起嘅商廈，原來係去頂樓嘅cubus 28!
餐廳樓底極高，裝修好cyber，空間感亦好大，部分靠窗嘅位置可以俯瞰成個銅鑼灣嘅view, 好有情調～！
未睇Menu之前，會以為佢係一間普通嘅Bar Restaurant, 肯定係食burger 同薯條之類喇。點知原來Menu有極多選擇，大部份係中西合璧嘅fusion 菜。最後我哋揀咗有五個course嘅Tasting Menu.
前菜- 海膽牛油果蟹肉沙律
海膽非常之鮮味，沙律入面嘅蟹肉亦非常之多，係一個令人非常開胃嘅前菜
湯羹-花膠螺頭片波士頓龍蝦湯
我哋兩個都揀咗龍蝦湯，入面材料十足，有大大嚿花膠同龍蝦肉，正啊！
主菜- 原隻法國鵪鶉䖆糯米飯 & 澳洲法式烤羊架
我主菜叫咗鵪鶉䖆糯米飯，老公就叫咗烤羊架。初頭我都有擔心係高級餐廳用刀叉食鵪鶉會唔會比較「呢hea」。但係一上枱佢就打消左我嘅煩惱，原來成隻鵪鶉已經去咗骨，啲肉汁入晒落糯米飯入面，超好味，係我嘅重心推介！
點心- 黑珍珠海膽燒賣
燒賣上面有海膽，我都係第一次食，但係原來又幾夾個喎！
甜品- 芝士蛋糕&烏梅山楂糕
最後連甜品都整得極有水準！佢哋嘅芝士蛋糕我覺得有出面五星酒店嘅級數，芝士味好rich, 餅底亦整得好好
好多謝我老公帶咗我嚟呢度食今年嘅生日飯，非常咁滿足，希望下年可以再嚟過～！
2 浏览
0 赞好
0 留言
张贴
