心之食堂 (裝修中)

喺銅鑼灣行下街，朋友話好想食日本野，上openrice見到心之食堂既評價同相片食物質素好似唔錯，所以就想上黎試吓啦~食日本野當然要試吓刺身啦 我哋叫咗甜蝦4隻$38同帆立貝1件$38，2樣刺身中帆立貝係最好食，大大隻，又鮮甜，帆立貝色澤不錯👍🏻其次心之蛋卷$88亦是店舖招牌菜之一，蛋卷嫩滑，入面仲有芝士、蟹籽同三文魚，口感豐富👍🏻原條鰻魚石鍋飯$118，鰻魚完整一大條，冇細細骨啖啖肉，鰻魚燒得好香好入味。白飯係石鍋到，可以傳熱，配鰻魚汁食落去好有嚼頭。蒜片牛柳粒$78，牛柳粒又多而且大大粒，肉質不錯，牛柳粒配雜菜可以中合油膩感。如果可以配埋一碗白飯就好了整體上，餐廳員工有禮，每一碟餸都睇得出廚師精心製造，不論味道外貌都好有水準。