富士山 (已結業)

幾日前同朋友嚟咗依間富士山食飯，覺得佢幾好食，所以就想推薦大家食依間餐廳係樓上舖嚟㗎，所以可以一覽銅鑼灣嘅景色，正餐廳嘅裝潢都非常靚，好有日本feel我地去嗰陣都算早，所以睇落冇咩人，但跟住都有好多人上嚟食飯。依家有唔少餐廳都推出咗減價套餐去吸引大家幫襯，而依間餐廳就推出咗依個優惠。不過大家要留意，依個優惠只係午市先有。係時候講下啲嘢食先我同朋友一嚟就叫咗個鮑魚六格盒前菜（$118）。嗰前菜非常靚，分別有帆立貝沙律，鮑魚，三文魚子，蟹鉗，龍蝦沙律同芥末章魚。全部都好好食，主角鮑魚應該係有醃製過，非常好食跟住依個明太子稻庭烏冬（$78），係我好期待嘅嘢食，因為我好鍾意明太子。我一食第一啖就食到滿滿嘅明太子味好幸福除咗明太子嘅味，佢重加咗少少泡菜，令到成碟烏冬唔會只係得明太子嘅咸香味，亦都有少少酸同辣味因為有啲唔夠飽，所以再叫咗個芝士黑松露千島醬多士（$58）。嚟到嗰陣已經好重黑松露味，食落去就再多有啲千島醬味，但又唔會話搶哂啲黑松露味。餐廳嘅職員非常友善同埋衞生情況都非常好。好推薦大家去食