赤

营业中

休息中

銅鑼灣百德新街赤居食屋，裝潢好有日本風味，用左多款清酒樽砌成一幅牆，柔和燈光，坐得舒服。鮮蔬菜條：蔬菜條新鮮爽脆，配上餐廳自家製醬汁，開胃前菜。茶碗蒸：食落滑不溜口，蛋香十足，配上鮮味嘅野菌一齊食，完美配搭。雞翼荔枝卷：雞翼外皮燒得香脆，裡面有原粒荔枝，甜美多汁，味道有驚喜。汁燒日本長崎雞頸肉：雞頸肉口感極為嫩滑，而且油香十足，但又唔會有油膩感。自家製免治雞肉棒：免治雞肉棒燒得香脆既外皮，加上內裡爽彈有咬口既雞軟骨，點埋日式醬油和蛋汁，滋味無窮。豚肉稻庭湯烏冬：豚肉鮮美柔嫩，稻庭烏冬彈牙帶嚼勁，掛湯力十足，湯底清甜，充滿蔥花和芝麻香味。總結，餐廳食物高質，店員同我哋有講有笑，仲會向我哋推介全新餐點，我哋食得開心又滿意。