大澳德發 (已結業)

今日同朋友去咗銅鑼灣度行街街 行完之後大家都好肚餓 所以就周圍搵食啦 見到呢間大澳德發 好似質素幾高 又大件夾抵食 咁就決定入去食飯啦首先叫咗一個蒸馬友 我同朋友都非常鍾意因為馬友魚油脂甘香可口 而且肉質好嫩滑 係我最鍾意嘅海魚之一之後就叫咗個咕嚕肉 係有少少冰花嘅感覺 甜得嚟好爽脆 而且肉亦都炸得恰到好處唔會太乾霸王雞就咁聽個名都有霸氣啦 呢個雞好嫩好滑 而且個雞皮都唔太肥 就算我減緊肥都忍唔住食咗兩塊呀椒鹽魷魚 食海鮮餐又點可以唔叫椒鹽魷魚呀 炸得脆身之餘個椒鹽都較啱啱好 唔錯唔錯最後就食返個菜啦 我哋叫咗個炒芥蘭 一啲都冇苦澀味 仲有少少清甜同埋酒香 值得一讚最後就叫咗一個鹽焗奄仔蟹 非常新鮮又富海水味 而且佢亦都啖啖肉 為今餐畫上完美句號