影片
更多
2022-09-13
102 浏览
新開業嘅「鮨山月」位於銅鑼灣L square，位置便利。木系嘅裝修設置充滿日式風情，店員都熱情友善。開業大概兩個月多啲，已經好受歡迎👏🏼Dinner omakase $1880/位，內容非常豐富，其中包括茶碗蒸、多款前菜料理、10件壽司、湯物及甜品。用料由日本直送，新鮮上乘～✨海鮮茶碗蒸✨食落充滿海鮮嘅鮮味，蛋好嫩滑又夠熱，面頭仲有賴尿蝦同埋鮑魚，賴尿蝦好鮮甜彈牙呀～✨北海道厚岸真蠔✨隻蠔超級大隻，最少要三四啖先可以食完！配搭口感滑溜嘅唇菜、酸汁，上面仲有蠔湯啫喱，甜味十足而且蠔味濃郁～✨野生真鯛+ 網燒北寄貝+ 磯之雪昆布配淮山漬物✨真鯛切成薄片配岩鹽，味道鮮甜。新鮮北寄貝燒左帶有焦香！磯之雪昆布+日本新鮮淮山漬物口感特別爽口。✨天草池魚卷✨池魚外面包左紫菜，卷成壽司卷嘅形狀，但入面每一啖都係池魚肉，配有薑嘅幼苗及千本漬，口感更為豐富。✨明石產八爪魚+ 島根縣黑鮑✨八爪魚熟成後口感軟淋唔會靭，表面有少少啫喱狀，味道甜甜地好入味～黑鮑超級互型！配上鮑魚肝醬，味道濃郁！✨煙燻春魚✨用稻草去煙燻，煙燻好勁～配上蔥油醬及芝麻，好香口～壽司十款包括有：🔸目一鯛🔸富山白蝦-配上岩鹽及柚子皮，口味
新開業嘅「鮨山月」位於銅鑼灣L square，位置便利。木系嘅裝修設置充滿日式風情，店員都熱情友善。開業大概兩個月多啲，已經好受歡迎👏🏼
Dinner omakase $1880/位，內容非常豐富，其中包括茶碗蒸、多款前菜料理、10件壽司、湯物及甜品。用料由日本直送，新鮮上乘～
✨海鮮茶碗蒸✨
食落充滿海鮮嘅鮮味，蛋好嫩滑又夠熱，面頭仲有賴尿蝦同埋鮑魚，賴尿蝦好鮮甜彈牙呀～
✨北海道厚岸真蠔✨
隻蠔超級大隻，最少要三四啖先可以食完！配搭口感滑溜嘅唇菜、酸汁，上面仲有蠔湯啫喱，甜味十足而且蠔味濃郁～
✨野生真鯛+ 網燒北寄貝+ 磯之雪昆布配淮山漬物✨
真鯛切成薄片配岩鹽，味道鮮甜。新鮮北寄貝燒左帶有焦香！磯之雪昆布+日本新鮮淮山漬物口感特別爽口。
✨天草池魚卷✨
池魚外面包左紫菜，卷成壽司卷嘅形狀，但入面每一啖都係池魚肉，配有薑嘅幼苗及千本漬，口感更為豐富。
✨明石產八爪魚+ 島根縣黑鮑✨
八爪魚熟成後口感軟淋唔會靭，表面有少少啫喱狀，味道甜甜地好入味～黑鮑超級互型！配上鮑魚肝醬，味道濃郁！
✨煙燻春魚✨
用稻草去煙燻，煙燻好勁～配上蔥油醬及芝麻，好香口～
壽司十款包括有：
🔸目一鯛
🔸富山白蝦-配上岩鹽及柚子皮，口味清爽！
🔸石恒貝-口感爽脆，仲識郁架！
🔸深海池魚
🔸金目鯛-備長炭辣一辣後，炭味好勁好香！
🔸牡丹蝦-上面加咗蝦膏、蝦籽、蝦油，味道更有層次！
🔸野生拖羅-非常稀有，魚味濃郁，油脂相對地少d，因為條魚運動多。
🔸赤身醬油漬-呢款口感食落滑d
🔸赤睦
🔸北海道白海膽+ 筋子❤️我的最愛❤️ 白海膽味道特別濃郁，帶有少少甜味，入口即溶！筋子用咗醬油味啉醃漬，帶有少少酒香又甜甜地咁，兩者配合，簡直一啖一美味！
最後仲有魚味濃郁麵豉湯，同埋甜品赤肉蜜瓜作結尾，呢一餐真係好豐盛，好有質素呀～
张贴
