Lúa (已結業)

呢間越南餐廳有兩層高，紅色外觀設計仲有燈籠點綴，外面睇已經好吸睛。今次晚餐就過嚟食dinner，我哋坐喺2樓估唔到全程都有live band music，即刻要嗌番杯飲品chill下🎶🎤-小食自選拼盤（3-5款）好啱兩個人叫，可以一次過食到多款小食，我哋揀咗甘蔗蝦串、素粉包炸兩同埋素春卷。蝦串蝦肉好紮實，又爽口彈牙。素粉包炸兩幾特別，我都係第一次食裏面餡料豐富，細細舊好似入口。素春卷炸得香脆可口，唔會太油膩。-黃薑雞胸茴香葉撈檬撈檬粉份量好足料，兩個人share都夠，雞肉好嫩滑入味，黃薑味幾出食落好特別好清新，整體味道唔錯👍🏻-原隻西瓜冰沙見到佢哋推出咗好多款水果沙冰，夏天當然要食西瓜啦🍉 上面係西瓜肉，而下面係西瓜味嘅沙冰，飲落好清爽，西瓜肉好甜，打卡亦都一流呀😆-班蘭布甸法包配自家製椰子雪糕最後當然唔少得試吓佢哋嘅甜品啦～ 見到有班蘭味甜品忍唔住揀咗呢款🤣 法包配班蘭醬估唔到出奇地夾，醬汁唔會太甜，法包烤到非常脆口，椰子雪糕好清新好light非常夾呀～