影片
港铁铜锣湾站 D4 出口, 步行约2分钟
继续阅读
开饭介绍
餐厅的灯笼造型灯饰富民族色彩，打卡一流。供应无味精的越南菜，所用的米粉则每天在店内制作，而95%食材更来自越南。
继续阅读
附加资料
餐厅逢星期五、六提供现场音乐表演
营业时间
星期一至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
相关文章
之前经过几次呢一间越式餐厅都比佢啲灯笼吸引住，今次就去试吓，仲特登坐出面可以同啲灯笼打吓卡😆🔸纯鱼扎肉法包(HK$98)法包几香脆，入面有扎肉同埋蔬菜配料，一咬落去有几种层次🔸香茅猪肉饭配特色蛋饼(HK$128)有腌咗味嘅香茅猪肉，蛋饼就几特别入面有粉丝同埋肉碎，可以捞埋个太阳蛋咁样食~🔸晚市套餐(HK$248)🔸猪肉春卷春卷炸到脆卜卜，味道都比较越式🔸蟹肉炒腊肠炒饭炒饭比平时食嘅偏湿，配料有切碎咗嘅腊肠同埋蟹肉🔸蒜蓉炒南瓜花南瓜花真系好少见，蒜蓉炒味道都几浓🔸乌龙茶冻呢个茶冻乌龙味好劲，如果钟意食茶味甜品嘅不妨试下🔸鲜芒芭菲(HK$98)冇谂过越式餐厅可以食到芭菲，每一层都有好多配料，包括寒天、麻糬、蜂蜜蛋糕、椰子奶盖，最上仲有蝴蝶酥做装饰点缀，好味又好睇☺️
继续阅读
两年前喺度食过 觉得佢个黄姜鸡肉捞檬都几好食 仲打包返屋企俾男朋友 两年后今日经过见到佢lunch大概60至$80一个人 觉得不如再食多次啦点知今次劲难食 啲鸡好似系白烚咁样 黄姜汁完全冇味 要自己加执鞭𠮶啲酱先勉强吞到 嗌多咗个牛肉捞檬 啲牛肉好韧 又肥最后我哋两个都冇食晒𠮶两兜嘢 真系自己煮都好食过佢讲起饮品就更加嬲 加咗$18叫咗咸柑桔甘蔗汁 点知佢甘蔗系加咗糖 饮到最尾咬到一粒粒砂糖嗌咗越南特浓炼奶咖啡 佢冰同咖啡分开上好似好认真咁样 结果差过茶餐厅啲冰融咗嘅咖啡总括嚟讲成餐都好难食 以后都唔会再嚟
继续阅读
街头小食滋味拼盘 有齐猪肉春卷、鸡翼、扎肉、香茅牛串等小食，一班朋友share就最岩！比较印象深刻嘅系香茅牛串，配上餐厅自制嘅咸蛋黄酱，令食落去多左蛋香味，口感比较丰富。而鸡翼用鱼露腌过，已经调咗味，炸出嚟唔会干身几好食。反而扎肉比较普通，虽然话有三款口味，但食落分别唔大。而猪肉春卷都系脆啲嘅话会更好。
继续阅读
［因为一开始见到食物卖相唔差所以完全冇谂过会要相出post….］我同朋友两个都谂住见到openrice d reviews咁好，去呢间实ok啦点知我地最错就系过分相信openrice 坐低就每人嗌咗一个dinner set（每人加埋加一大概食咗$300）menu嘅图卖相真系好好 甚至第一眼都觉得dinner set呢个价钱都算几多野食… 点知真系质素差得夸张…d前菜其中一碟系明显未熟嘅 但系我地问店员佢仲笑著话系咁㗎… 所以我地最后都系白白放弃咗食呢碟所谓嘅前菜… 然后以为米纸卷实唔会差得去边啦 点知范觉就好似食紧deconstructed嘅几样材料咁，硬邦邦，0调味，连入面加钱点嘅软壳蟹都硬同冇味…之后主菜系好d嘅 个pho至少唔太咸，d牛都几腍但系就切到细细块… 另一个猪肉捞檬d猪肉炭烧到黑晒，d猪肉又系薄切，完全系好似自己去韩烧煮到过晒熟嘅猪腩肉咁（啊系 仲要系大部分都系肥膏…），真系食唔落口甜品应该系算整晚最无惊无险嘅环节，虽然斑兰糕都有种隔夜嘅口感… 但系至少个雪糕冇乜大问题…呢餐饭食都最后真系想连甜品都放弃 宁愿早d走好过浪费埋时间喺呢度… 唔明点解咁嘅质素 咁嘅价钱 仲要咁黑面嘅waiters openrice都可以有咁多好评…
继续阅读
铜锣湾出名多野食 俾Lua门口吸引到 非常有特色 充满中国风 有哂竹伞做背景咁 远睇以为会系好贵嘅高级餐厅 点知近睇佢lunch set都几affordable 都算多野拣今次叫左生牛肉pho 伴碟会俾埋罗勒叶 芽菜 同青柠🍋🟩 唔够可以再额外配小食 我见串烧都几吸引 同埋试左个类似肠粉咁嘅小食 口感都几得意 出面好少见 睇餐牌见到法包都好想试 不过今次就食唔到咁多野 Overall份量我觉得偏少 可能饭类会饱肚啲 叫个阵就自行衡量吓
继续阅读