影片
更多
2021-07-01
396 浏览
櫻花🌸係春夏必備既主題之一，不過以往見到櫻花🌸系列真係耍手兼擰頭，好多都係得個顏色靚，味道會係奇怪既假味... 今次見有fd生日話想試下就鼓起勇氣食，今次終於挑戰成功，同埋呢個都幾surprised 🤩 用左和風盒去裝更加match翻櫻花主題 👍🏻黑盒裝既係鹹點，紅盒就係甜點，大致都幾好食！環境唔錯，雖然室外view好啲同埋有花牆，不過宜家開始熱都會想坐翻室內既梳化位，都望到維港感覺唔錯，室外就有比較多人shisha~ 如果室內要坐白色樹嗰邊就要先到先得，就算要求左都係計邊個客入座先～ 今次順便同fd做生日，因為個tea set 已經無位畫碟，要寫字要加多68蚊要一件cheesecake，不過present既方式幾特別，下面黎緊會講😜！(5😍 係滿分，🤩係半分）Tea set 鹹點：Wagyu Beef with Salt Picked Sakura 🐮🥧 (好味指數：😍😍😍😍)呢個用左炙燒M5和牛🐮配櫻花鹽，牛肉捲成花狀幾靚～ 肉質幾肥美嫩滑，牛味🐮幾濃，不過可以再燒多一陣，等個牛味🐮再出啲，同埋突顯燒過既焦香味，更加逼多啲油香出黎！個tart皮幾鬆脆，帶有啲牛油🧈香味Parma H
環境唔錯，雖然室外view好啲同埋有花牆，不過宜家開始熱都會想坐翻室內既梳化位，都望到維港感覺唔錯，室外就有比較多人shisha~ 如果室內要坐白色樹嗰邊就要先到先得，就算要求左都係計邊個客入座先～ 今次順便同fd做生日，因為個tea set 已經無位畫碟，要寫字要加多68蚊要一件cheesecake，不過present既方式幾特別，下面黎緊會講😜！
(5😍 係滿分，🤩係半分）
Tea set
鹹點：
Wagyu Beef with Salt Picked Sakura 🐮🥧 (好味指數：😍😍😍😍)
呢個用左炙燒M5和牛🐮配櫻花鹽，牛肉捲成花狀幾靚～ 肉質幾肥美嫩滑，牛味🐮幾濃，不過可以再燒多一陣，等個牛味🐮再出啲，同埋突顯燒過既焦香味，更加逼多啲油香出黎！個tart皮幾鬆脆，帶有啲牛油🧈香味
Parma Ham Melon🍈🥓 (好味指數：😍😍😍😍)
又一個經典配搭，有清爽甜香既哈蜜瓜🍈配上甘香柔潤既巴馬火腿 🥓，兩者比例啱啱好，火腿 🥓唔會韌，鹹香同油分都足夠，哈蜜瓜🍈都清甜，唔比高分啲係因為呢個組合好常見，所以無咩驚喜
King Crab Meat & Mentaiko Tart 🦀️🟠🥧 (好味指數：😍😍😍😍)
感覺到一絲絲既蟹肉🦀️，真係真材實料，幾鮮甜，唔係淨係靠個醬，另外配埋帶有鹹香既明太子🟠，鮮味又惹味相得益彰，同埋口感更加豐富～ 個tart皮幾鬆脆，帶有啲牛油🧈香味，係略嫌細舊左啲，一舊唔係幾夠喉 😂
Sakura Chocolate Fois Gras Terrine 🍫🦆 (好味指數：😍😍😍😍🤩)
外面係朱古力🍫既外殼，用既係牛奶朱古力🍫而唔係白朱古力所以無咁甜！裡面既匈牙利 🇭🇺 鴨肝🦆醬有香煎過，香滑醇厚～ 雖然唔係好feel到櫻花🌸味，但係朱古力🍫同鴨肝🦆呢個配搭感覺好特別，唔漏之餘係double creamy，surprise又滿足！
Croissant Smoked Salmon & Avocado 🥑🥐 (好味指數：😍😍😍😍)
以tea set黎講，估唔到牛角包🥐 幾大件，煙三文魚份量夠，油脂肥美，配埋牛油果醬🥑creamy得黎幾清新～ 牛角包口感鬆軟，幾香口，有啲牛油🧈香味，如果可以脆啲，同埋表面有啲光澤就更好，宜家從蜂巢切面睇得出層次唔夠分明同平均，呢個係口感無咁好既原因
初櫻 🌸🍸 +$78 (好味指數：😍😍😍😍😍)
呢杯係個tea set 既signature cocktail，見幾得意就叫左，用左日本🇯🇵威士忌🥃梅酒、櫻花🌸 liqueur、桃🍑、柚子🍊，面頭係蛋白奶泡，酒味唔係好重亦唔會苦，好易入口，有清新既果香之餘唔會有藥水同香精味，酸酸甜甜幾好飲又可以打卡～ 女仔必叫😍
Cheesecake 🧀🍰 +$68 (好味指數：😍😍😍😍)
為左要畫碟所以特登加左呢件cheesecake🍰, 似係New York cheesecake，但係無咁實身，口感軟滑綿密，唔會好甜，有sour cream既微酸，不過餅底腍左啲無咁有層次感，同埋芝士味🧀可以再濃啲，宜家味道比較簡單～ 第一次見畫碟唔係畫，而係用印喺紙上面既方式，好似人地錶起左張cert咁有個托幾得意👍🏻 再喺上面放生果🍓、果乾、吉士同jam做裝飾，幾特別～ 當然字體可以elegant啲，宜家有少少太formal
甜點
Sakura Panna Cotta 🌸🥛🍮 (好味指數：😍😍😍😍)
食得出用個奶唔同，絕對唔係平時幾蚊到十幾蚊嗰啲奶凍幾質素，今次既奶🥛香濃又好滑，唔係靠魚膠粉嗰種jelly既滑，配埋有淡淡香氣既櫻花jelly🍮，令到整體唔會有奶凍嗰種膩膩既feel，裡面有櫻花花瓣🌸，鹹鹹酸酸，配搭都幾和諧～
Sakura Raindrop Cake 🌸💧 (好味指數：😍😍😍🤩)
呢個係糖漬櫻花水信玄餅 ，味道比較清，比起平時既水信玄餅易入口，裡面一樣有櫻花🌸花瓣鹹鹹酸酸，整體甜度適中唔錯～ 應該因為用既係糖漬而唔係鹽漬，亦都無落啲奇怪既香精，所以正常過以往食到既味道唔同，同埋鹽漬既用嚟做甜品比較難做得好，因為要整走鹽分，今次就唔洗顧慮呢個問題
Sakura Swiss Roll Cake 🌸🍭 (好味指數：😍😍😍🤩)
cake既質地濕潤，用左北海道3.6牛乳，不過好似係用左比較實身既海綿蛋糕，如果用戚風會再軟熟輕盈啲，至於cream打到比較杰身，唔濟不過唔係好feel到櫻花味，同埋宜家cream主要集中喺上面而唔係入面，感覺有啲似普通蛋糕而不係卷蛋
Sakura Daifuku 🌸 (好味指數：😍😍😍😍)
打開個蓋既時候有乾冰，做到仙境既感覺幾特別，大福既皮帶有啲煙韌厚薄適中，裡面似係用左白豆餡⚪️，唔會好甜幾好～ 襯翻個皮染做粉紅色，白豆⚪️本身唔甜，甜度可以自由調配，喺顏色同甜度上都比起用紅豆🔴既彈性大，而面頭既櫻花🌸鹹鹹酸酸，配埋甜甜地既大福味道幾豐富，亦唔會漏！
Scone 🌰 (好味指數：😍😍😍🤩)
個樣有啲似金黃色既可麗露，呢scone個偏實同乾左少少, 切開會比較易碎開，同埋奶香唔夠濃，但係都幾鬆化，有啲牛油🧈香味，裡面有啲提子乾🍇 味道算唔錯，配翻標準既士多啤梨🍓jam同clotted cream，個 cream 唔會好淡，幾重奶味
Tea ☕️ (好味指數：😍😍😍🤩)
叫左jasmine同earl grey，味道同分量正常，唔會係好平嗰啲飲落澀澀地既茶，茶包既質素ok~
好味指數：😍😍😍😍
推介指數：😍😍😍😍🤩
Sakura Tea Set
9 浏览
0 赞好
0 留言
2 浏览
0 赞好
0 留言
3 浏览
0 赞好
0 留言
2 浏览
0 赞好
0 留言
42 浏览
0 赞好
0 留言
8 浏览
0 赞好
0 留言
2 浏览
0 赞好
0 留言
35 浏览
0 赞好
0 留言
1 浏览
0 赞好
0 留言
张贴
