瀛豐放題料理專門店

平日約朋友嚟銅鑼灣食飯，朋友想食日本嘢，見到呢間嘅日式放題價錢性價比好似挺不錯，決定去試吓😆嚟食放題首先一定要食佢嘅刺身，佢啲細心都幾新鮮，全部都厚切，今日嗌咗馬刀貝，赤貝，醬油吞拿魚，白玉貝，北海道角螺，油甘魚，我哋仲加咗海膽帶子，淨係食刺身就覺得已經返本。真心覺得呢度嘅刺身質素挺不錯，貝類都食到佢哋嘅鮮味👍🏻炸物都係另一個主打，我哋鍾意食嘅一定有大蝦天婦羅，蟹棒天婦羅，炸榴槤波波，芝士年糕，最鍾意佢全部熱辣辣，炸粉唔會過口，炸得夠乾身！我哋都食咗佢啲串燒雞腎，牛柳，燒生蠔，燒菠蘿都係唔會放過，餐廳其實另一特別之處係佢都有好多東南亞嘅小食，我哋嗌咗個辣酒煮花螺夠晒惹味另外我哋都叫咗個冬陰功蝦湯，夠哂惹味~有一樣要讚嘅係佢啲壽司啲飯都好細，例如海膽親子花之戀，火炙左口魚邊，唔似其他放題諗住比大嚿飯你食飽你🤣