TOMO Taps & Meat (已結業)

利申朋友邀請試呢間試業中餐廳。我同女友兩人食左幾碟燒肉兩啤酒炸雞皮小食同牛骨湯同蘆筍。最出色一定要提個牛湯，超一流必定要試，超清甜仲有些少牛肚蔥絲，勁好飲我地都仲想再叫。的肉份量足，品質好，性價比極高。不過老闆話試業中所以仲調整緊所有嘢，而家基本係虧住咁比客，希望做好口碑。燒肉前叫左個鹹蛋炸雞皮邪惡到癲，超野味，份量又係多到癲，食唔曬，送啤酒真係好正！老闆介紹飲酸啤都唔知咩，完全唔認識手工啤，第一次飲算係，老闆好詳細解釋介紹啤酒，原來我自己係一個啤酒愛好者，自己學埋啤酒技術，不過佢講完我都唔知咩黎哈哈，佢話覺得坊間無咩好啤酒加食物嘅地方，就毅然搞左呢間餐廳，希望好朋友都可以有個好地方飲酒食肉。講翻個酸啤有的似啤酒版jolly sandy個的咁，我都唔識形容，但配肉食又真係好開胃有的估佢唔到咁夾。全單8舊水多的真係食到好飽。唯一缺點係蔬菜好少，食物選擇唔算太多，飲品就啤酒為主都有的汽水個的，其他有的紅酒我都唔認識，但我地又唔係好好酒，如果佢維持呢個份量水準整體感覺銅鑼灣個個地段真係性價比極高。