影片
更多
2022-09-01
71 浏览
男朋友知道我生日就專登帶我去食啲好西。但佢為咗保持神秘感，一直都唔肯講俾我聽帶我去食啲咩。終於到我生日，佢就帶咗我哋食呢一間日本菜。😋😋------------------------------入到去環境雖然唔算好大，但坐嘅位都闊落。咁啱我哋坐喺一個可以見到師傅切魚生嘅位，睇落環境都好乾淨。------------------------------呢一到侍應服務都好好，主動為我哋介紹佢哋嘅嘢食同埋推薦俾我哋，等我哋唔使點諗，好好！芝麻鹽醬椰菜椰菜幾清爽爽脆，再配埋鹹鹹地嘅芝麻鹽醬，識落都幾開胃。刺身盛合6款呢間餐廳好貼心，因為我哋有嗌刺身同埋漁獲浜燒盛合，所以店員好快就預備咗唔同嘅醬料俾我哋去食之後嘅嘢食。刺身盛合有吞拿魚魚腩、赤貝、油甘魚、三文魚同埋帆立貝。當中我最鍾意嘅係吞拿魚魚腩同埋油甘魚，食落新鮮又油脂豐富，好肥美，超正！！漁獲浜燒盛合店員專登攞俾我哋睇吓啲海鮮有幾咁新鮮，兩隻鮑魚仲識郁，勁生猛。而呢一個盛合有鮑魚、蠔、松葉蟹腳、珍寶大蝦、螺。當中我最鍾意嘅係鮑魚都好食落非常彈牙，師傅煮到啱啱好，唔會熟到好似擦膠咁樣。燒完嘅蠔再連埋啲汁，鹹鹹地得來鮮甜又鮮甜嘅味道！而個螺都
------------------------------
入到去環境雖然唔算好大，但坐嘅位都闊落。咁啱我哋坐喺一個可以見到師傅切魚生嘅位，睇落環境都好乾淨。
------------------------------
呢一到侍應服務都好好，主動為我哋介紹佢哋嘅嘢食同埋推薦俾我哋，等我哋唔使點諗，好好！
芝麻鹽醬椰菜
椰菜幾清爽爽脆，再配埋鹹鹹地嘅芝麻鹽醬，識落都幾開胃。
刺身盛合6款
呢間餐廳好貼心，因為我哋有嗌刺身同埋漁獲浜燒盛合，所以店員好快就預備咗唔同嘅醬料俾我哋去食之後嘅嘢食。
刺身盛合有吞拿魚魚腩、赤貝、油甘魚、三文魚同埋帆立貝。當中我最鍾意嘅係吞拿魚魚腩同埋油甘魚，食落新鮮又油脂豐富，好肥美，超正！！
漁獲浜燒盛合
店員專登攞俾我哋睇吓啲海鮮有幾咁新鮮，兩隻鮑魚仲識郁，勁生猛。而呢一個盛合有鮑魚、蠔、松葉蟹腳、珍寶大蝦、螺。
當中我最鍾意嘅係鮑魚都好食落非常彈牙，師傅煮到啱啱好，唔會熟到好似擦膠咁樣。
燒完嘅蠔再連埋啲汁，鹹鹹地得來鮮甜又鮮甜嘅味道！
而個螺都好好食，螺肉肉質彈牙，再加上佢嘅湯都好好飲，螺嘅鮮甜加埋少少酒味，簡直一流。
呢度咁少嘢梗係唔夠飽啦，所以我哋就嗌多個海膽蟹肉炒飯。海膽非常鮮甜，唔會苦，好新鮮。連埋蟹肉同飯一齊食口感豐富，仲淡淡都有浸黑椒味，調味絕對足夠，唔會淡茂茂！
最後梗係唔少得甜品啦，我地嗌咗兩個唔同嘅甜品。我自己個人就鍾意檸檬雪芭，夠晒酸得來又真係好有檸檬味，真係好似就咁食緊檸檬咁，鍾意食酸嘅我覺得非常好食。如果唔食得酸嘅朋友仔，都可以嗌個蘋果雪芭嚟食，甜甜地咁又充滿蘋果味，都幾好食。
------------------------------
呢一餐應該係我食過咁多生日飯入邊最好食嘅一餐，希望下年男朋友都可以帶我去食間咁高質嘅餐廳！
张贴
