影片
更多
2022-10-19
48 浏览
久不久都會想食下日本菜，今次朋友就推薦我去一間位於銅鑼灣登龍街嘅餐廳。入到去裝修好有格調，播住柔和嘅日本歌曲，最欣賞係菜式口味十分地道，皆因呢度有兩位來至日本福岡嘅大師傅操刀，即刻覺得值回票價。燒薩摩魚餅性價比都幾高，兩片份量不少，咬落軟淋，好香魚味同埋燒烤過嘅氣息，配搭沙律醬好十分滋味。料理長發辦時令壽司（兩件）友人推薦一定要試，果然冇令我失望。擺盤好靚，用金色匙羹裝住兩件富有層次嘅壽司，有面頭嘅金箔、魚子醬、魚子、吞拿魚蓉等等。睇落細細件，設計用心，用料上乘，重點係鮮味十足，不錯！一夜干雞奕原來佢並唔係普通嘅雞翼，一夜干係獨特處理食材嘅方式，以致肉質食落口感同平時嘅有啲唔同。便相對地比較紮實，雞味愈嚼愈出，調味又得宜，十分香口，可見喺製作過程上花盡心思。棉花糖壽喜燒見好多人都叫，決定試一試。平日比較怕食甜嘢，友人表示想打卡所以加咗個棉花糖，估唔到夾埋食又唔會覺得太甜太膩。而最好味係啲牛肉，味道濃郁，雖然有一定嘅脂肪但係唔會太過油，大大片配埋啲伴菜真係好飽肚又滋味。同埋唔好睇少啲蔬菜菇豆腐，吸收曬湯嘅精華真係好正！甜品埋尾今次挑選咗天婦羅雪糕，外面比較少試到，估唔到都幾好味。以雪糕作
燒薩摩魚餅
性價比都幾高，兩片份量不少，咬落軟淋，好香魚味同埋燒烤過嘅氣息，配搭沙律醬好
十分滋味。
料理長發辦時令壽司（兩件）
友人推薦一定要試，果然冇令我失望。擺盤好靚，用金色匙羹裝住兩件富有層次嘅壽司，有面頭嘅金箔、魚子醬、魚子、吞拿魚蓉等等。睇落細細件，設計用心，用料上乘，重點係鮮味十足，不錯！
一夜干雞奕
原來佢並唔係普通嘅雞翼，一夜干係獨特處理食材嘅方式，以致肉質食落口感同平時嘅有啲唔同。便相對地比較紮實，雞味愈嚼愈出，調味又得宜，十分香口，可見喺製作過程上花盡心思。
棉花糖壽喜燒
見好多人都叫，決定試一試。平日比較怕食甜嘢，友人表示想打卡所以加咗個棉花糖，估唔到夾埋食又唔會覺得太甜太膩。而最好味係啲牛肉，味道濃郁，雖然有一定嘅脂肪但係唔會太過油，大大片配埋啲伴菜真係好飽肚又滋味。同埋唔好睇少啲蔬菜菇豆腐，吸收曬湯嘅精華真係好正！
甜品
埋尾今次挑選咗天婦羅雪糕，外面比較少試到，估唔到都幾好味。以雪糕作餡料，沾上天婦羅粉漿去炸，唔油得來唔會太甜，又無溶曬，火候控制得剛好，值得一試。
张贴
