影片
相关文章
锣湾嘅一泷🖤黑白配⚪️之前已经食过都念念不忘，因为佢哋用嘅食材好新鲜，环境宽敞坐得舒服之余，价钱仲好公道，所以钟意食日本嘢嘅，我哋真系唔可以错过再过嚟试吓其他定食😝今次🖤黑白配⚪️拣咗佢哋嘅lunch set，大大份得嚟好抵食！松叶蟹肉鱼子丼 $198Lunch set 仲要包埋面豉汤🥣 茶碗蒸同埋沙律，佢个丼饭超大份🍚蟹肉好足料！自选丰宴定食 $248另外拣咗个自选定食，佢抵食嘅地方就系你可以拣一个寿喜烧+一个卷物，食到你饱住个肚😂我哋就拣咗寿喜烧牛肉锅同埋吞拿鱼腩蟹肉卷，另外仲加咗$48去配一个A4和牛乌冬，如果咁嘅价钱咁样嘅环境食到呢一个质素，绝对觉得满意，推介朋友仔们可以过嚟试吓佢哋嘅lunch set ❤️
继续阅读
近期其中一间觉得好食既日料🥰🥰好彩赶喺佢装修之前食左😍成餐饭都好有仪式感！摆盘好好！但因为已经系8月头食，有d菜式已经唔太记得个名了🙈-第1个小卷好好食，冇记错系吞拿鱼蓉+蟹肉，好足料，一啖咬落去超满足啊😋-海胆前菜超级鲜甜，食到点哂头，但就略贵少少，好细份但都百几蚊，不过咁好食都值得尼个价～-厨师发办9件寿司🍣每一件都好出色！我觉得系必点🥰3百几蚊左右有9件～唔贵，但好高质👍🏻-小池鱼刺身，鲜甜美味，系我好中意既一道刺身❤️❤️❤️-不得不提佢既浜烧海鲜，每一件海鲜都极鲜甜，推荐一定要试大帆立贝😋真系好正！-和味寿喜烧，尼个价黎讲性价比算高，因为佢和牛好多，而且都好食！好香😘可惜当时已经食饱，所以冇食好多😂
继续阅读
想喺香港想揾间日式餐厅要好食又有质数的确好难，一系就好贵，但贵又未必一定好食，自己唔系港岛人都唔常喺港岛区揾食，但听人讲铜锣湾食日本嘢会比较好，咁啱又放假就book咗呢间，早少少开餐。一入到去安排咗个榻榻米位置我哋坐，环境相当好，位置够阔落，又唔嘈喔 ，另外仲有啲打卡位添，就系觉得啲冷气冻咗少少咁🥶。因为一至四浜烧盛有优惠，我哋叫咗一set $648，有海鲜烧(自己选择嘅)，跟一个饭＋刺身＋沙律＋雪糕。跟住我哋再叫多碟寿司同啲小食，如果唔大食，两个人叫一个set加少少野都够饭喔🤭～海鲜类都好新鲜又好大只😱😱，我哋净系烧嘢都玩咗个几钟。set跟埋𠮶个饭上面嘅鱼唔太清楚系咩鱼，但又意外地好食。个芝麻雪糕好浓芝麻味，好好食🤤！ 另外散叫嘅小食一般都有水准！不过有个小插曲就系当时有位女侍应帮我哋落单，态度已一般般，后来仲俾我哋发现落错单，因为我哋烧完晒啲海鲜，但刺身同饭都仲未到，好奇怪...我哋就问一问另一个侍应，佢就帮我哋跟返。不过好彩其他员工都好好，有问必答仲要好详细，我哋烧紧嘅时候又会主动走过嚟帮我哋，同教我哋点烧先最好，仲要好细心，所以之后都感觉良好🥰。以呢间餐厅嘅装潢加上食物质素，大部份员工嘅待客态度，人均消费$500-$600， 绝对唔贵喔～
继续阅读
从来没有见到这样差的 服务员，我的外国朋友不能喝茶，想要一杯热水！某个中年女人 直接抢过她杯子！说 我知啊！还翻了一个大大白眼！我们投诉 其他同事也无动于衷！！ 甚至根本不理会我们的意见！ 我们问他们manager在边个地方，也没有人理会我们！所有工作人员都像不像返工的样子！希望这家餐馆的老板好好培训一下自己的员工，再放他们出来！！ 顾客只是不能喝茶，要换一杯热水！不是要你的做什么离谱的事情！你居然翻白眼！吼顾客！简直离撒大谱
继续阅读
又到我嘅生日月， 闺密话同我食好西，就带咗我嚟位于铜锣湾嘅一泷。原来呢间日式餐厅都相当特色，环境仲好有日本风情。一到埗职员就带我哋进入呢个榻榻米座位，朋友仲话要一早预订先有得坐。虽然环境都属于中上档次，但呢度食物价钱又唔算贵。前菜我哋拣咗牛油果赤身他他，牛油果🥑嘅软滑配上吞拿鱼赤身嘅微弹口感，令人忍不住一口一口咁样食落去。最近特别钟意食蛋类制品，所以就拣咗明太子玉子烧，玉子保持应有嘅湿润，明太子份量不多不少，配合蛋香简直天衣无缝。朋友最钟意食葱，所以二话不说就点选呢个赤身大葱卷，葱粒混入咗喺吞拿鱼蓉入面，味道唔算太强烈，但带来不一样的口感，不嗜葱嘅我都感到相当惊喜。另外我哋仲拣咗芝士吉列黑豚卷，深藏之内嘅吉列黑豚仍然保持香脆，配合芝士同沙律酱味道一流。盐烧A4和牛串嘅价钱，原本令我有点却步，不过朋友诚意推介，一食之下真系觉得好感动，松软嘅肉质带有满满嘅肉味，真不愧为A4和牛。平时嘅西京烧通常都系配比目鱼、银鳕鱼之类，而呢个佐贺金星豚西京味噌烧就系配上豚腩肉，虽然系以腩肉制造，不过经过烧烤之后，就再无油腻感，反而变得份外甘香，配搭新颖有惊喜。我最钟意食鸡软骨，估唔到呢度嘅鸡软骨系原条骹位嘅串烧，盐烧过嘅鸡软骨脆卜卜，同样充满惊喜。月见免治鸡肉棒虽然系免治鸡肉，但口感结实，完全唔会松散，配合日本蛋同酱油混合而成嘅酱汁，真系有点冲动叫碗白饭。蟹味噌甲罗烧系蟹膏、蟹肉、蟹籽，配合葱花混合而成，厚厚一层搽上多士之上，确系相当美味。最后我哋仲点咗一个 鲣鱼浓汤日本野菜豆腐锅，鱼汤呈奶白色，豆腐有微微烧过，配合青菜、金菇、冬菇等配菜，为呢一餐画上一个完美嘅句号。
继续阅读