Mokumoku Yakiton (永光商業大廈)

营业中

休息中

放工後與好友相聚，又去咗銅鑼灣MokuMoku Yakiton，居酒屋主打日式豚肉串燒，供應唔同嘅豬部位，水準好穩定，所以都係我成日會來嘅居酒屋之一。一坐低，店員就先送上前菜。酸酸甜甜嘅蕃茄，非常開胃。刺身拼盤+明太子沙律拼盤攞有牡丹蝦、三文魚及帶子刺身。牡丹蝦好新鮮，鮮味十足。三文魚厚切，入口肥美。帶子鮮嫩柔軟，鮮味濃郁。明太子沙律好有驚喜，口感爽脆又帶有鹹香，正！西班牙黑豚肩肉串燒肉味香濃，口感紮實彈牙，不過略為燒得乾咗少少。紫蘇豬肉卷豬肉燒至油香滲岀，紫蘇葉獨有嘅芬香恰好平衡膩感，推薦。蒜芯豬肉卷包住蒜芯，味道同清香嘅紫蘇葉截然不同，味道比較濃郁，各有特色。雞翼串呢度除咗有豬，亦都有其他常見嘅串燒。雞翼燒至皮脆肉嫩，水準不錯。