正潮樓 (中國太平大廈第一期)

营业中

休息中

如果有睇開我嘅都知道我鍾意食潮州嘢發掘唔同嘅潮州餐廳，今日就嚟到正潮樓佢晚市有個套餐，我都覺得幾抵食有燕窩，鮑魚，魚翅，海參做主，之後再揀三至四款小菜紅燒燕窩不得了，估唔到燕窩份量都幾多下我都係第一次食紅燒燕窩！味道幾好厚菇焗鮑魚鮑魚又係大大隻，非常之淋啊真係差唔多做到入口即溶嘅感覺梅膏拌海蜇第一次試呢一道菜，味道偏酸，作為前菜係幾開胃滷水拼盤豆腐，鵝肉，豬大腸同埋豬紅正常發揮啦，冇乜邊一樣係突出川椒雞頸肉食落有些少似雞軟骨，但又未去到咁脆口口感有啲似豬耳，加埋川椒嘅香味幾惹味總結，係銅鑼灣我覺得呢一間潮州菜館價廉物美！我必定會再去