日本野 (已結業)

今晚同老友出咗旺角睇野，之後順便食番個飯先回家，記起位於銀城有間#日本野，於是就上咗去食埋飯先囉。餐廳裝修企理，帶有日本氣氛，座位間距都寬敞☺️，餐牌食物種類繁多，無論鍋物、刺身、丼飯、壽司、串燒、石燒牛及小食都一應俱全。我地今晚偏向來吃魚生丼飯，自選$168丼飯，可配4款食物，心多多的我哋咩都想食，唔覺意✅多左🫢。我的丼飯選咗溫泉蛋、三文魚、油甘魚、玻璃蝦，牡丹蝦同海膽，因貴價少少的6款食材要加錢，所以加加埋埋都要$230😋。老友的丼飯則選咗三文魚、油甘魚、北寄貝、甜蝦同海膽，佢個碗只需$202，都好抵食😘。刺身新鮮又厚切，油甘魚、三文魚都唔錯，我將溫泉蛋嘅蛋汁點入牡丹蝦同玻璃蝦一併食，更加滋味，海膽新鮮creamy, 絕對值回票價，丼飯味道好有層次😘。定食跟蟹籽青瓜沙律/湯，跟埋餐飲，我地選了湯，而額外再追加左個和風炒野菜，份量十足，好豐富有椰菜、金菇、冬菇、粟米、翠肉瓜、紅蘿蔔🥕，仲有大量的木魚鋪面，甜甜醬汁炒得幾好味啊👍。