影片
更多
2019-02-05
82 浏览
老公要去九龍灣同老細開會，問我下班後是否有興趣 join 佢一起到「淘大」附近逛逛。翻查記錄，原來我對上一次嚟已經係 2016 年 10 月，嘩！已經有超過兩年無踏足呢個商場，就一於趁今晚除夕，兩口子去「UA 淘大」睇番場戲，順道到附近覓食。購完戲票後，見時間尚早，就先去吃晚飯。在商場轉角位找到這間叫「釜之魂」的食店，餐廳門面非常搶眼，離遠已經見到招牌雕有一條超巨型的鰻魚。記得早排曾看過雜誌報導，介紹店子主打加入鰹魚湯底再以高壓蒸煮的釜飯，反正還未到晚市繁忙時間，不用排隊，就一於進店試下。餐廳面積頗大，佔地甚廣，近門口位是半開放式廚房，而用餐的地方就分為前後兩個區域，裝潢以蘋果綠為主，色調柔和舒服，簡約清新。入座後先翻開店員送上的餐牌，單是釜飯的選項就已經有超過 10 款，另外還有沙律、小食、煮物和甜食等，選擇非常豐富。筆者愛吃鰻魚，第一時間就揀左個「金魂」蒲燒鰻魚釜飯，而老公就揀左客五花豚肉釜，另外再加客梅干手羽先。率先送上的梅干手羽先 ($28)，一客有兩隻，外皮炸得很酥脆，以白芝麻提香，內裡的雞肉亦非常嫩滑，加上灑於面頭的梅子粉，甜中帶鹹帶酸，醒胃又惹味。接著送上的「金魂」蒲燒
在商場轉角位找到這間叫「釜之魂」的食店，餐廳門面非常搶眼，離遠已經見到招牌雕有一條超巨型的鰻魚。記得早排曾看過雜誌報導，介紹店子主打加入鰹魚湯底再以高壓蒸煮的釜飯，反正還未到晚市繁忙時間，不用排隊，就一於進店試下。
餐廳面積頗大，佔地甚廣，近門口位是半開放式廚房，而用餐的地方就分為前後兩個區域，裝潢以蘋果綠為主，色調柔和舒服，簡約清新。
入座後先翻開店員送上的餐牌，單是釜飯的選項就已經有超過 10 款，另外還有沙律、小食、煮物和甜食等，選擇非常豐富。筆者愛吃鰻魚，第一時間就揀左個「金魂」蒲燒鰻魚釜飯，而老公就揀左客五花豚肉釜，另外再加客梅干手羽先。
率先送上的梅干手羽先 ($28)，一客有兩隻，外皮炸得很酥脆，以白芝麻提香，內裡的雞肉亦非常嫩滑，加上灑於面頭的梅子粉，甜中帶鹹帶酸，醒胃又惹味。
接著送上的「金魂」蒲燒釜飯 ($118) 亦甚有睇頭，件鰻魚非常大塊，幾乎把釜飯飯面完全佔據，而旁邊就拌有南瓜、紅蘿蔔、冬菇及玉米筍等，用料豐富。先挾起塊鰻魚細看，果然夠曬油潤亮麗，而且闊身得嚟仲好厚肉。急不及待試一口，醬汁份量下得剛好，鹹中帶甜，而且鮮味非常突出，加上鰻魚的表面帶微微酥脆，肉質結實，與底層清香的米飯同吃，味道一流！
至於另一客五花豚肉釜（$78）賣相亦非常吸引，份量超級大堆頭，淨係五花腩就已經有成四件，另外仲有半隻蛋同野菜等，非常足料。挾起件豚肉一看，腩位肥瘦相間，食落甘香鬆化，但又唔會太肥膩，配上濃濃既醬汁，趁熱撈飯食，絕佳配搭。其實好想試下另一款「銀魂」釜飯，不過兩個人食力有限，還是留待下次再來品嘗吧！
张贴
