Plat du Jour (已結業)

Pacific place 嘅餐廳成日轉手，之前執左西班牙菜換上法國菜，我就鍾意呢間多好多。呢間法國菜嘅午餐就係唔用腦嘅抵食之選。午餐加一後，2個courses嘅set都係250度。食過幾次，我對食物質素都幾滿意。不過a la carte就一定唔會揀佢。menu就唔成日轉，但勝在可以揀佢每一日唔同嘅午餐，自由組合。頭盤我覺得田螺最好食，今次個baby squid 唔係唔好食，只係茄醬同個squid都無咩特別，不過起碼有得睇下，個樣幾靚。今次叫左burger，個肉都幾juicy，不過都係無咩特別。反而都係鍾意點薯條個醬，有松露，真係好味過beef&Liberty 多多聲。午餐價位，喺金鐘，咁嘅價，滿意啦。值得一提係試過佢happy hour個海鮮拼盤，帶子好鮮甜，但生蠔就唔夠肥美同生鮮，個人覺得有改善空間。