影片
更多
2007-03-04
元宵前夕舉行金豬年逗利是大行動+開年飯,地點選擇左呢間鄰近金豬父母家又品評唔錯既中式酒樓,除左想方便準媽咪之外,另一原因係呢度有湯圓食。環境尚算不俗,有個落地大玻璃窗,不過夜晚就無大作用;地方唔算太大,只係檯與檯之間擺得太密,某d座位會有d迫。套餐唔多合心水,九大一小最後勁叫八餸一湯,砂鍋飯任裝。雪梨雪耳煲瘦肉湯:老火湯煲得幾夠火候,因為連雪耳都煲到半溶,令到湯都有點立口;湯渣內雪梨、豬肉份量唔少,湯味頗濃,而且雪梨清潤,絕對適合大家飲用。鐵板蜜味叉燒:由侍應即場將黃豆、叉燒、蜜汁放入鐵板後即時煙霧瀰漫,好有氣氛又好有油煙,幾位honhon食到應晒,真係難為幾位喇!!!叉燒加上蜜汁味道偏甜,肉質偏淋,講真食味應該同普通蜜汁叉燒分別不大,呢個絕對係貪得意之選。豉汁帶子蒸豆腐:豆腐好滑,帶子薄薄一片,材料本身味道清淡配上惹味豆豉汁之後就變得好味。桶子豉油雞:食左件雞胸都唔係好孩,豉油味道偏甜,味道幾ok,而且隻雞唔太肥,最高興有d沙律菜食!o者o者咸魚芥蘭煲:另一好有氣氛菜色,芥蘭翠綠鮮嫩,加上咸魚碎,好香口。露筍煙鴨胸:露筍大大條但無渣,而且獨有露筍香味幾濃,煙鴨胸味道一般,勝在唔肥,雖
環境尚算不俗,有個落地大玻璃窗,不過夜晚就無大作用;地方唔算太大,只係檯與檯之間擺得太密,某d座位會有d迫。
套餐唔多合心水,九大一小最後勁叫八餸一湯,砂鍋飯任裝。
雪梨雪耳煲瘦肉湯:老火湯煲得幾夠火候,因為連雪耳都煲到半溶,令到湯都有點立口;湯渣內雪梨、豬肉份量唔少,湯味頗濃,而且雪梨清潤,絕對適合大家飲用。
鐵板蜜味叉燒:由侍應即場將黃豆、叉燒、蜜汁放入鐵板後即時煙霧瀰漫,好有氣氛又好有油煙,幾位honhon食到應晒,真係難為幾位喇!!!叉燒加上蜜汁味道偏甜,肉質偏淋,講真食味應該同普通蜜汁叉燒分別不大,呢個絕對係貪得意之選。
豉汁帶子蒸豆腐:豆腐好滑,帶子薄薄一片,材料本身味道清淡配上惹味豆豉汁之後就變得好味。
桶子豉油雞:食左件雞胸都唔係好孩,豉油味道偏甜,味道幾ok,而且隻雞唔太肥,最高興有d沙律菜食!
o者o者咸魚芥蘭煲:另一好有氣氛菜色,芥蘭翠綠鮮嫩,加上咸魚碎,好香口。
露筍煙鴨胸:露筍大大條但無渣,而且獨有露筍香味幾濃,煙鴨胸味道一般,勝在唔肥,雖則呢個菜被編為頭盤菜式,但味道、份量同主菜無異。
宮保魚塊:全晚唯一無試過菜式,觀乎外表都幾對辦,各honhon意見都話味道甜甜酸酸唔太辣,應該都ok既
瑤柱雞粒砂鍋飯:飽肚之選,味道ok只係口感太濕,個人認為乾身一d會較好食。
薑蔥粒粒焗生蠔:第三個有氣氛菜式。生蠔的確幾大隻肥美,薑蔥汁好濃味,好多粒粒薑,好鬼惹味。
士多啤梨焗肉排:全晚造型最特別菜式,顏色紅卜卜超鮮艷。自己食個件肉排無骨,唔太覺有士多啤梨味,味道同京都骨相似,酸酸甜甜都幾好味。
薑茶滑湯圓:cindy hon提議元宵前要食下湯圓應節,所以我地都選擇湯圓為飯後甜品。湯圓外皮相當軟滑,應該落左油去搓,因為見到薑湯面有d油花浮起,配合幾濃味芝麻餡都幾好食;薑湯未夠薑,個人覺得再薑d更妙!!見到金豬爸爸碗紫米露都似幾ok,但好似有點稀.....
以菜式黎講幾有水準,而且display得算有心思,雖然份量唔係大大碟個d,但又可以多試幾款,以多人如我地就真係可以試好多款,有機會試下雀籠點心先。
张贴
