金田家 (已結業)

接男朋友放學，一早已經上網搵定呢間金田家拉麵試下😉六點左右已經好肚餓，咁早店舖入面唔太多客人。店舖空間比較細，有幾張卡位，其他都係吧枱。雖然細，不過設備俱全，每張枱都有一壺水，枱下有櫃桶可以放背囊。我叫左黑豚拉麵，普通麵質，正常蔥。另外加左溏心蛋，同腩肉叉燒。黑豚拉麵外型好靚，d豚肉排到好似朵花咁。湯底濃郁，最重要既係飲完唔會口渴。佢叫柚子辛口拉麵，硬麵，正常蔥。佢抄我叫溏心蛋同腩肉叉燒😂😂湯底柚子味幾突出，配辣辣地味道幾新鮮，又唔會奇怪。仲加左個唐揚鷄塊。估唔到咁好食，鷄塊質地好嫩，炸皮唔會太厚，炸得啱啱好。配沙律醬一流。唔夠沙律醬仲可以再加👍飲品叫左可爾必思，原來係乳酸飲品，甜甜地幾好味。男朋友叫左綠茶。