更多
2011-07-25
463 浏览
长辈设宴，订咗呢间美心皇官食晚饭，入到去比佢嘅环境吸引住，墙身白色配大型水晶灯，感觉雅致，完全无同类型酒楼𠮶种俗气嘅感觉，枱与枱之间隔得好开，座位亦坐得舒适，值得一赞~~宏观成个场，感觉上好似好多有钱人咁（除咗我^^），又有几枱外国人，令我先入为主觉得呢餐饭一定好好食啦~~点知p.s. 由于我无睇过张菜单，所以唔知道每道菜嘅名，但有相睇~~上汤龙虾配伊面~~ 龙虾味唔算突出，但总算新鲜，个上汤都几好，唔系杰鞑鞑，味道同出面d酒楼差唔多，但伊面真系出事，碎湿湿嘅，夹唔起咁济，份量又少，一围枱12人夹咗5个已经无晒，我都系分到两条仔咋~~鸡咸咗d, 仲有d(鞋)，我试咗一件就收咗工~~桂花鱼，基本上桂花鱼系好难整得唔滑，但今次真系食到喇~~虽然去晒骨，食嘅都系啖啖肉，但会唔会就系呢个做法搞到条鱼唔滑呢？条鱼嘅味道都唔错，但反而汤底竟然系淡戍戍~~~茶树菇配油炸鬼酿肉饼 呢个我觉得最出色，𠮶d一块块嘅肉外面，用咗疑似油炸鬼嘅物体包住，有少少脆口，内里juicy, 真系几好食~~饱鱼冬菇小棠菜~~同婚礼酒席中𠮶d差唔多，冬菇无酸味，ok~~茨汁唔(杰)，饱鱼唔腥，总算唔错~~千岛沙律酱花枝丸~
长辈设宴，订咗呢间美心皇官食晚饭，入到去比佢嘅环境吸引住，墙身白色配大型水晶灯，感觉雅致，完全无同类型酒楼𠮶种俗气嘅感觉，枱与枱之间隔得好开，座位亦坐得舒适，值得一赞~~宏观成个场，感觉上好似好多有钱人咁（除咗我^^），又有几枱外国人，令我先入为主觉得呢餐饭一定好好食啦~~点知p.s. 由于我无睇过张菜单，所以唔知道每道菜嘅名，但有相睇~~
上汤龙虾配伊面~~ 龙虾味唔算突出，但总算新鲜，个上汤都几好，唔系杰鞑鞑，味道同出面d酒楼差唔多，但伊面真系出事，碎湿湿嘅，夹唔起咁济，份量又少，一围枱12人夹咗5个已经无晒，我都系分到两条仔咋~~
鸡咸咗d, 仲有d(鞋)，我试咗一件就收咗工~~
桂花鱼，基本上桂花鱼系好难整得唔滑，但今次真系食到喇~~虽然去晒骨，食嘅都系啖啖肉，但会唔会就系呢个做法搞到条鱼唔滑呢？条鱼嘅味道都唔错，但反而汤底竟然系淡戍戍~~~
茶树菇配油炸鬼酿肉饼 呢个我觉得最出色，𠮶d一块块嘅肉外面，用咗疑似油炸鬼嘅物体包住，有少少脆口，内里juicy, 真系几好食~~
饱鱼冬菇小棠菜~~同婚礼酒席中𠮶d差唔多，冬菇无酸味，ok~~茨汁唔(杰)，饱鱼唔腥，总算唔错~~
千岛沙律酱花枝丸~~有d怪，好似格格不入咁，唔系好食，又未算难食lor~~
梅菜芥菜~~望落去真系有d清寡，唔明点解呢碟菜都可以用嚟设宴，芥菜入口苦涩，梅菜又咸，唔知想点~~~
成餐饭都食到"O"咗~~~返屋企仲要食消夜呀~~阴公
张贴
