宏 (已搬遷) 新店位置

放工同朋友食飯，閒日星期二晚上8點半時間，由等位到入座約9點，本來想食the one 樓下四樓一間餐廳，可惜由7半等到8半決定轉場，上咗去五樓食呢一間，原因係少人等位，已經又攰又餓，但都要等半個鐘，冇諗過咁多人。係香港食嘢貴都算，真的有點份量不夠，三個女仔一人叫完一個餐都不太飽......一打開餐牌有個餐係有茶，主食，甜品$99，再加一，$109最後埋單重要五毫子都唔收，收銀機前只寫不收一千元大鈔，冇寫五毫子唔收，咁好彩我有帶多現金啫，如果我只得五毫子找數，而你又唔收咁點算？入黎進餐前又冇講明唔收五毫子，連埋單感覺都不好受。加上服務態度又差，嘢食貴得黎唔飽肚，我入黎食晚餐的目的都係想填飽果肚啫，唔會再有下次。抺茶蛋捲：本人是抺茶粉絲，覺得這個味道一般，抺茶味不太濃，也沒有抺茶回甘味。三文魚烏東：三文魚有兩舊，叫咗正常份量烏東都較細份，食唔飽，果汁好咸，食完有味精反應，非常之口渴，不太推這個冷烏東。