影片
更多
2024-02-28
1125 浏览
讲起澳牛想信香港人一定听过佢个朵，例如点餐要一早谂定，所有野d好快，澳牛哥哥既霸气态度等等，今次我地都黎亲身体验下首先澳牛条龙长到癫，但系如果你系单数人数，例如1，3个既话，就有机会快人一步，比澳牛哥哥由队尾叫入去食啦食物基本上人人都系叫茶餐（$52），你只需要谂汤意粉定通粉，炒蛋定煎蛋就得，佢都有其他野食既，但就冇乜见过人嗌，除左甜品既蛋香炖鲜奶或者杏汁炖鸡蛋之外，呢个甜品都系佢地既出名食物佢地既枱系比较细，所以会先送上野食，后点餐茶，澳牛哥哥问完我地食咩就好快送上而精彩一刻就系我面前出现😂😂😂 我地搭枱既对面食客话要有野饮边饮边食先得，澳牛哥哥帮佢地点餐既时候已经讲过一次会之后先帮佢点餐茶，个食客黎左野食又叫多次话要叫野饮，澳牛哥哥当场爆发，都话左冇位摆唔好叫住，食完先叫，个客话唔紧要，照落左先，澳牛哥哥就话，冇位摆呀！你要饮一系你一只手拎住杯奶茶黎食我即刻冲比你，个客即刻声都唔敢出，我忍笑忍得几辛苦🤭讲完故仔就讲食物啦，佢个牛油方包系多士黎既，钟意可以叫佢唔好烘，但烘成多士我觉得好食d火腿煎双蛋我地就转成炒滑蛋，炒蛋系呢度最好食既野，黎食既话记得改成炒滑蛋，真系够滑又好味叉烧通粉
首先澳牛条龙长到癫，但系如果你系单数人数，例如1，3个既话，就有机会快人一步，比澳牛哥哥由队尾叫入去食啦
食物基本上人人都系叫茶餐（$52），你只需要谂汤意粉定通粉，炒蛋定煎蛋就得，佢都有其他野食既，但就冇乜见过人嗌，除左甜品既蛋香炖鲜奶或者杏汁炖鸡蛋之外，呢个甜品都系佢地既出名食物
佢地既枱系比较细，所以会先送上野食，后点餐茶，澳牛哥哥问完我地食咩就好快送上
而精彩一刻就系我面前出现😂😂😂 我地搭枱既对面食客话要有野饮边饮边食先得，澳牛哥哥帮佢地点餐既时候已经讲过一次会之后先帮佢点餐茶，个食客黎左野食又叫多次话要叫野饮，澳牛哥哥当场爆发，都话左冇位摆唔好叫住，食完先叫，个客话唔紧要，照落左先，澳牛哥哥就话，冇位摆呀！你要饮一系你一只手拎住杯奶茶黎食我即刻冲比你，个客即刻声都唔敢出，我忍笑忍得几辛苦🤭
讲完故仔就讲食物啦，佢个牛油方包系多士黎既，钟意可以叫佢唔好烘，但烘成多士我觉得好食d
火腿煎双蛋我地就转成炒滑蛋，炒蛋系呢度最好食既野，黎食既话记得改成炒滑蛋，真系够滑又好味
叉烧通粉同意粉我地每人叫左一款，意粉呢个西式野食中式煮法又几特别，其实两款粉都一样整得好食
最后就系佢地既热奶茶，冲得好正，奶茶够浓够滑，两个字，出色
澳牛比我既感觉唔算差，你只跟跟住澳牛哥哥指示点餐，拣好食咩，食完唔好坐太耐，埋单走人，其实态度唔系想像中咁差，但成个食饭过程既速度就真系好快，野食我觉得系好味，想食好野就自己衡量个环境因素值唔值得一试啦
张贴
