西龍纤味 (已結業)

Weekday夜晚walk-in黎食. 可能因為多擺設的關係, 入去發覺比想像中細. 所有野都係紙做, 又幾得意. 但張檯好細同埋十分頂腳, 凳都麻麻地舒服, 成日’型住’大力d郁張凳會塌…麻醬五穀擔擔面+ 跟餐菜: 幾大碗. 雖然麻醬味唔夠勁, 但勝在湯夠濃, 仲一d都唔油. 麵夠彈牙, 但唔知係咪真係五穀麵, 因為食落完全唔似+係全白色的. 肉碎夠多. 蛋就麻麻, 過左火. 另外原來擔擔面有粟米都幾好味. 餐菜係三條小棠菜, 夠晒熱, 清清地同個麵幾夾. 加兩蚊轉的豆漿原來係西龍傳香飯糰的樽裝低糖豆漿, 低糖到如無糖, 十分健康, 但下次都係卑個有糖的我算吧.服務唔係唔好. 但實在好茶餐廳feel的服務. 或者係同服務員的打扮有關…總結: 野食不錯, 價錢中環黎講仲算平. 可惜坐得唔舒服. 但黎個quick dinner也是不錯的.