影片
更多
2006-07-07
8 浏览
去到該餐廳先知係由藝員郭少芸小姐管理(都係老闆?),環境有d迫,但租貴,所以可以接受,食物可以,意粉很好吃,甜品亦不錯,係銀鱈魚冇咩味,冇湯供應係缺點...但最大既缺點係服務!!!到達時剛有一張四人枱,我係第一個等位,其他枱都full晒,咁理應我係四位應該俾張枱我先...但由於我未到齊人,所以俾左後面既2枱2位... 已經有d不滿,但見係朋友去過話ok,所以就繼續等...等左半個鐘先有位俾番我,對腳企到勁軟,食完野都諗住影左相係我個blog度介紹一下,野食算ok,價錢又唔貴...點知剛吃完甜品,吃到最後一啖已經有侍應搶左我個甜品碟,之後上飲品,未開始飲已經好快咁清晒枱上所有野,仲有未叫埋單已經有人拎張單黎埋...係坐低剛一小時既事!食2個頭盤,4個主菜,2個甜品,4杯飲品,食一個鐘唔過份呀?你要我等位都等左半個鐘啦,諗全坐多陣,點知郭小姐走埋黎親自趕客! "入座時講好左一小時交枱,唔該你地盡快埋單..." 語氣雖友善,但好明顯係趕客走囉...仲有入座時冇講明只可以食一小時,所以我同朋友都覺得好勞氣...原先訂座(The Brasil)人地都講明分時段,我地嫌時間太短先改地方,點知呢度仲
到達時剛有一張四人枱,我係第一個等位,其他枱都full晒,咁理應我係四位應該俾張枱我先...但由於我未到齊人,所以俾左後面既2枱2位... 已經有d不滿,但見係朋友去過話ok,所以就繼續等...等左半個鐘先有位俾番我,對腳企到勁軟,食完野都諗住影左相係我個blog度介紹一下,野食算ok,價錢又唔貴...
點知剛吃完甜品,吃到最後一啖已經有侍應搶左我個甜品碟,之後上飲品,未開始飲已經好快咁清晒枱上所有野,仲有未叫埋單已經有人拎張單黎埋...係坐低剛一小時既事!食2個頭盤,4個主菜,2個甜品,4杯飲品,食一個鐘唔過份呀?你要我等位都等左半個鐘啦,諗全坐多陣,點知郭小姐走埋黎親自趕客! "入座時講好左一小時交枱,唔該你地盡快埋單..." 語氣雖友善,但好明顯係趕客走囉...仲有入座時冇講明只可以食一小時,所以我同朋友都覺得好勞氣...原先訂座(The Brasil)人地都講明分時段,我地嫌時間太短先改地方,點知呢度仲短!!
如果真係想客人坐一小時就走既話,請白紙黑字係門口寫明: "為令更多人客可以品嚐本店的美食及保持價廉物美既食物水準,請各位人客於一小時後交還坐位,多謝合作!!"
令食客有不愉快既經驗,等同叫人下次唔好再幫襯!!
张贴