大皇餐廳 (已易手) 新餐厅

星期六去食下午茶， 叫左個雙拼米粉（牛肉+炒蛋）加$3轉凍檸蜜。諗住問下佢可唔可以將個炒蛋分開上，點知佢大大聲話唔得，你食個個係下午茶，已經好平，廚師唔會幫到你分開上。其實我都係想問下佢可唔可以分開上，唔可以其實冇問題，但洗唔洗大大聲話下午茶咁平唔會幫到你。跟住落完單，佢轉個身就同第二個人細細聲講（其實間野唔算大 ，佢企我前面張枱背對住我同另一個員工講）話我地勁麻煩，蛋都要分開上。 洗唔洗咁講野？我係好聲好氣咁問下啫。黎到既時候，凍檸蜜吉檸檬隻匙羹又係污糟既。野食其實唔錯既，但我會因為呢間野既服務質素唔會再幫襯。 真係比錢買難受。