R&B (已結業)

位於尖沙咀既R&B佢哋嘅裝修獨特，都係以外國舊式餐廳為題，而餐廳有三張圓枱係近窗邊，雖然窗邊係馬路景觀，但咁啱外面有幾棵大樹，令到成個環境感覺處生於森林裏面，喺呢個咁靚嘅環境底下享受lunch係人生一大樂事😆😆要提提你哋，如果想book窗口嗰三張圓枱，佢係冇得電話預約，要Walk in等枱，所以唔想等既話最好係12pm點嚟，佢地12點開，機會都比較高啲嫁👍🏻👍🏻我哋叫咗兩款主食同埋湯再加兩杯咖啡😋😋🦐忌廉酥皮海鮮湯:呢份酥皮湯一定要重點推介，事關佢裏面嘅餡料係超級多，裏面包括有青口，帶子，蝦仁等，忌廉湯十分濃郁，香味又夠濃，可能因為裏面有咁多種海鮮嘅關係，所以味道香濃之餘仲帶點鮮味，酥皮焗得又夠脆，真係值得推介👍🏻👍🏻👍🏻🐟塔斯馬尼亞三文魚柳:厚厚嘅三文魚肉質幾夠鮮，絕對唔會有雪藏味，魚煎得啱啱好，魚皮都幾脆，另外配菜係薯蓉，份量都幾多，同埋好綿，仲跟咗個類似牛油檸檬嘅醬汁，食落好開胃，份量絕對夠飽😍😍🍕意大利辣肉腸薄餅:長方形嘅Pizza比較少見，辣肉腸都算多，薄批嘅Pizza嚟計佢哋嘅皮都做得唔錯，唯一就係唔係太特別，出邊好多地方都食到類似嘅質素☕️最後我哋叫咗兩杯咖啡，因為係跟餐嘅