影片
更多
2018-10-05
3092 浏览
前幾日同朋友一齊喺尖沙咀行街，買左唔少野～血拼過後，我地都好肚餓，就決定喺附近食晚飯。有朋友提議去食西餐，有朋友就提議食日本菜，經過投票後，我地決定去食西餐 Shine~ 😋餐廳裝潢設計好有格調，有好多小燈泡吊喺天花板上面，亦有不同顏色既燈光。餐桌上仲放左一個小型燭臺，氣氛浪漫，好適合情侶或者三五知己一齊黎品嚐燭光晚餐🥂餐廳設計既餐牌精美簡潔 一張牌係食物，一張牌係飲品～ 食物方面，有餐湯、頭盤、主菜同埋甜品，每一道菜都非常吸引。至於飲品方面，佢地有沙冰、乳酪、酒精飲料，任君選擇😍龍蝦湯 $88龍蝦湯既賣相精緻，龍蝦味道非常濃郁，用左龍蝦頭同龍蝦膏黎製成呢道餐湯，每一口濃湯都富有鮮味。佢唔似有啲餐廳既龍蝦湯咁樣略帶苦味，反而係更香濃細滑。炸魷魚 🦑 $68呢道炸魷魚好好食，雖然係油炸，但唔覺得好油膩或者難以入口，反而充滿魷魚既香氣，而且肉質彈牙～再加上美味既蛋黃醬，真係香氣四溢。蛋黃醬一直都係我地既至愛 😍 大家黎到不妨試下呢道炸魷魚🦑 🤤加拿大意大利龍蝦飯 $188龍蝦係以半隻既狀態呈上，龍蝦身既肉已經起左出黎，另外附有一隻開龍蝦既鉗，方便顧客食用。龍蝦既質素好唔錯，一拆開龍蝦頭
餐廳裝潢設計好有格調，有好多小燈泡吊喺天花板上面，亦有不同顏色既燈光。餐桌上仲放左一個小型燭臺，氣氛浪漫，好適合情侶或者三五知己一齊黎品嚐燭光晚餐🥂
餐廳設計既餐牌精美簡潔 一張牌係食物，一張牌係飲品～ 食物方面，有餐湯、頭盤、主菜同埋甜品，每一道菜都非常吸引。至於飲品方面，佢地有沙冰、乳酪、酒精飲料，任君選擇😍
龍蝦湯 $88
龍蝦湯既賣相精緻，龍蝦味道非常濃郁，用左龍蝦頭同龍蝦膏黎製成呢道餐湯，每一口濃湯都富有鮮味。佢唔似有啲餐廳既龍蝦湯咁樣略帶苦味，反而係更香濃細滑。
炸魷魚 🦑 $68
呢道炸魷魚好好食，雖然係油炸，但唔覺得好油膩或者難以入口，反而充滿魷魚既香氣，而且肉質彈牙～
再加上美味既蛋黃醬，真係香氣四溢。蛋黃醬一直都係我地既至愛 😍 大家黎到不妨試下呢道炸魷魚🦑 🤤
加拿大意大利龍蝦飯 $188
龍蝦係以半隻既狀態呈上，龍蝦身既肉已經起左出黎，另外附有一隻開龍蝦既鉗，方便顧客食用。
龍蝦既質素好唔錯，一拆開龍蝦頭就可以食到蝦膏。而且蝦殼唔算厚，龍蝦肉亦被廚師起左出黎，配上醬料，口感彈牙，味道鮮甜。
巨型龍蝦內藏有大量龍蝦籽，口感彈牙，連埋軟綿綿又煙韌既意大利飯一齊食，入口既層次感豐富。
原隻招牌德國燒豬手 $288
重點登場😍 超級巨型既德國豬手出現喇！連我朋友都好驚嘆🍖 真係好大隻，影相冇辦法完美呈現佢既巨大 😍 而且未食之前已經聞到烤肉既香味☺️ 餐廳廚師非常貼心，幫我地切成一小塊～ 仲為我地提供左兩款不同既醬汁，分別係黃芥末醬同醋醬，任君選擇。
豬手既外皮烘到脆卜卜，皮下有一層薄薄既脂肪，又香又脆😋 豬手肉質鮮美，好香口好嫩滑🍖我同朋友都食得好滋味，慢慢品嚐德國豬手既咸香。
最後埋單大概700 蚊～總括而言，餐廳氣氛好之餘，食物質素亦令人滿意～就連服務員既服務態度都好親切，服務員好貼心咁經常為我地更換乾淨既碟同埋倒水，我同朋友都食得好開心，感覺好溫暖～☺️
张贴
