甲泰船面 (已結業)

暑假剛剛同小朋友一齊去完曼谷返嚟，仔仔唔食辣，只好陪佢日日一齊食魚蛋粉。返到嚟一個星期都唔夠，就即刻好懷念果種風味，尤其是當比完公司壓迫之後😭😭甲泰船河同烏冬店黐埋一齊以快餐式經營，真係冇諗過甲泰船河可以重拾返個味道，之前有寫過佢黑米粉都已經相當好味，今次真係忍唔住試吓佢海鮮湯河。有圖有真相，淨係睇相都知嗰兩隻蝦犀利啦，大個我兩隻手指公，仲有好足料好多餸。個湯又好味呢。仲加埋杯嘢飲添，直頭泰國感覺返晒黎。