影片
一直想试吓船面，今晚巧遇船面招牌，立即试试。看了看餐牌，好似好好味，叫了清汤及冬荫海鲜汤（中），加多杯青柠水。在等上面时才发现中碗及大碗，只差两元，早知食碗大。过一阵面到了，清汤那碗汤确是清，反而海鲜𠮶碗汤就跟相片中的不同，加了椰奶的冬荫功，原来叫冬荫功的是我，但由于椰味太重，所以食咗碗清汤；而本来叫清汤的又认为清汤汤味太甜，所以跟我对调。面内配料充足，面质都可以，只是两碗汤底味道跟想像有距离。同埋杯青柠冇乜味！
继续阅读
暑假刚刚同小朋友一齐去完曼谷返嚟，仔仔唔食辣，只好陪佢日日一齐食鱼蛋粉。返到嚟一个星期都唔够，就即刻好怀念果种风味，尤其是当比完公司压迫之后😭😭甲泰船河同乌冬店黐埋一齐以快餐式经营，真系冇谂过甲泰船河可以重拾返个味道，之前有写过佢黑米粉都已经相当好味，今次真系忍唔住试吓佢海鲜汤河。有图有真相，净系睇相都知𠮶两只虾犀利啦，大个我两只手指公，仲有好足料好多𩠌。个汤又好味呢。仲加埋杯嘢饮添，直头泰国感觉返晒黎。
继续阅读
船面通常都系泰国菜馆先有，呢间竟然系丸龟制面入面，真系好易就错过。2个人叫左一个红咖喱鸡饭，加一个泰北船面，再去隔离丸龟选小食（鱿鱼so），真系超方面，重点，150左右咋，饮品方面，加$9已经有薏米水或者泰式柠檬茶，都几有特色。红咖喱鸡肉饭几香，微辣而已，鸡排炸得好脆，四十头嘅价钱完全无投诉。食完翻寻味泰北船面店内可以选择要黑色杂壳粉或者白色米嘅粉，推荐黑粉，好香好弹，汤底好清带点酸，有虾、猪肉、猪皮、肉丸，每样少少，但好满足，大size58蚊。薏米水几好，清甜又好咬，清下热好在过米线店，又有2间完全唔同嘅食物可以选择，想食面类嘅值得一试。温馨提示：食完自己拎餐盘。
继续阅读
同朋友系黄埔玩完之后，又嚟到食饭嘅时间🤓我哋就OpenRice下附近有咩好食~见到呢间甲泰船面，好似几平而且卖相都唔错，我哋就决定去试一试🤙🏼由于佢嘅位置都有啲隐蔽，比较唔起眼，我估如果唔系附近住嘅居民或者唔系有心去揾嘅话，应该都比较难揾到呢间餐厅👀讲下呢间餐厅有咩食啦~选择会比较少，只有三款面同四款饭~由于系一心想嚟食船面，我就无留意饭嘅选择啦🙈印象中都系同嘅咖喱饭🍛我拣嘅系海鲜浓汤组合配传统白米条😋size有中同大拣，个人认为女仔嗌中绝对足够!面条方面除咗白米条，仲有细米条、黑米条同红米条，选择比较少见，而我最后都系拣翻最稳阵嘅白米条😂白米条嘅韧度唔错，有口感👍🏼配料亦都够哂多，有鱼片头、墨鱼丸、两只大虾同一啲类似炸虾天妇罗嘅粒粒?😂所有嘢嘅味道都唔错🤤呢到嘅汤底偏酸，但系个人认为都可以接受🙈几适合夏天食，会比较开胃☺️
继续阅读
今日又黎左黄埔玩，玩完谂住周围行下，点知误打误撞就黎到呢间餐厅。认真呢间餐厅真系好唔起眼，佢同丸龟制面个招牌系摆埋一齐，仲要颜色字体都系差唔多。原来佢地系同一间铺头黎，不过有2个counter，一边系食日本野，另外一边就食泰国野。因为我系好钟意食面既，所以二话不说就拣左食个海鲜浓汤组合。佢有两个size拣，中就$56，大就$60，因为我唔系好肚饿就拣左中size等左一阵就送到，佢个汤既颜色虽然好似喇沙咁，但其实系酸酸地既，饮警去面几开胃。面方面我就拣左白色既面，个样食落好似金边粉，但又唔系好似金边粉咁淋。料方面都几丰富，有鱼片头、墨鱼丸、虾等等，仲有d好似天妇罗虾仁咁既野，几好味我觉得其实中size都够食，不过大食d既朋友都可以加4蚊食个大既～
继续阅读