影片
更多
2019-10-25
23 浏览
男朋友同我一向都係食辣狂熱粉絲，最近聽聞呢間重慶排第一嘅牛油麻辣火鍋店過江龍嚟到香港，於是就決定去試吓。一入到鋪頭已經聞到好大浸騷騷地嘅麻辣牛油味，但係鋪頭嘅裝修非常乾淨，唔似大陸嘅裝修，反而比較高級。枱面擺放左一件即棄式嘅圍裙，令大家唔會食辣嘅時候彈到一身都係，好體貼。湯底嘅選擇都幾多，我哋揀咗要鴛鴦鍋，試咗兩隻辣椒辣度嘅普通辣，另外一邊就揀咗蕃茄湯底。湯底上枱之後，聞到係完全正宗嘅重慶火鍋味。蕃茄湯底本身有少少金菇係入面，不錯。因為我哋兩個都好肚餓，所以就叫咗好多款唔同嘅嘢食。好彩嘅係，呢間火鍋店同好多內地連鎖火鍋店一樣，都有提供叫半分嘅選擇。以下就係我哋叫咗嘅嘢食啦！當中有幾樣野我覺得係特別值得推薦嘅，其中一個就係黑豚肉。豚肉嘅脂肪比較豐厚，加落去辣湯度食口感同埋味道都係一流。另一樣就係滑牛肉，滑牛肉肉質好嫩滑同辣湯底又係10分配合。仲有一樣要推薦嘅就係佢哋嘅手打三寶丸，平時我打邊爐並唔係丸類嘅忠實fans，但係呢一個三寶丸真係10分高質。入面每款丸有兩粒，分別係手打墨魚丸、手打蝦丸同埋手打牛肉丸，三種都係非常彈牙，而且食得出入面有新鮮嘅食材，係真係人手打到起晒膠。最後我哋再追加
一入到鋪頭已經聞到好大浸騷騷地嘅麻辣牛油味，但係鋪頭嘅裝修非常乾淨，唔似大陸嘅裝修，反而比較高級。枱面擺放左一件即棄式嘅圍裙，令大家唔會食辣嘅時候彈到一身都係，好體貼。
湯底嘅選擇都幾多，我哋揀咗要鴛鴦鍋，試咗兩隻辣椒辣度嘅普通辣，另外一邊就揀咗蕃茄湯底。湯底上枱之後，聞到係完全正宗嘅重慶火鍋味。蕃茄湯底本身有少少金菇係入面，不錯。
因為我哋兩個都好肚餓，所以就叫咗好多款唔同嘅嘢食。好彩嘅係，呢間火鍋店同好多內地連鎖火鍋店一樣，都有提供叫半分嘅選擇。以下就係我哋叫咗嘅嘢食啦！
當中有幾樣野我覺得係特別值得推薦嘅，其中一個就係黑豚肉。豚肉嘅脂肪比較豐厚，加落去辣湯度食口感同埋味道都係一流。另一樣就係滑牛肉，滑牛肉肉質好嫩滑同辣湯底又係10分配合。
仲有一樣要推薦嘅就係佢哋嘅手打三寶丸，平時我打邊爐並唔係丸類嘅忠實fans，但係呢一個三寶丸真係10分高質。入面每款丸有兩粒，分別係手打墨魚丸、手打蝦丸同埋手打牛肉丸，三種都係非常彈牙，而且食得出入面有新鮮嘅食材，係真係人手打到起晒膠。
最後我哋再追加左個烏冬，就完全夠晒飽。兩人加埋食咗$600 ，覺得算係中間價位，唔算太貴。平時我哋食譚仔食開中辣，今次食呢個湯底覺得好滋味。下次會再食。佢好貼心咁喺lift口位放咗一堆薄荷糖，可以俾我哋清左食完火鍋嗰陣味，抵讚！
张贴
