淳吟居酒屋 (已結業)

而家疫情關係，喺香港真係好無聊，好掛住去日本嘅感覺啊😢 為咗一解思鄉病，今日決定同朋友喺香港到周圍覓食，搵番日本嘅美食🥳於是就同朋友過咗嚟依間位於柯士甸站嘅日本北海道居酒屋，上網睇見食評好吸引，於是今日同朋友過嚟試吓，估唔到有意外嘅驚喜🤩首先一嚟到，職員姐姐個態度好有善親切，而且裝修都好有日本style，啱晒各位打卡！嘢食都好正㗎，你食日本嘢，點少得大阪燒啦，於是我哋二話不說叫咗一個海鮮🦞大阪燒好味又飽肚！大阪燒上面加咗木魚，裏面材料亦都超級豐富，海鮮味道好鮮甜，必食推介😋另外仲叫咗雞翼串燒、雞肉串燒，每樣串燒都好香嘅炭燒味，而且肉質鮮嫩，係正宗嘅串燒味道🥳沙鎚魚有意外嘅驚喜，外層烤到香香脆脆，佢啲魚肉好鮮嫩多汁😚最後叫咗海鮮卷、吞拿魚卷，都係高水準嘅發揮，以後會繼續過嚟食💃🏻