蜀大俠 (已結業)

紅白鴛鴦鍋🌶($128)蜀大俠都開左一段時間啦，其實司令都試左好耐，但一直都好懶未打😂。鴛鴦鍋是一定的，麻辣個邊湯底好香牛油味，配埋大量花椒，其實香多過辣，唔算好難接，輕鬆啦🤘🏻。配料仲有一小罐香油同干碟，夠曬正宗。-花千骨($98)店內推薦既菜式，係事先醃好既牛肉，帶超多辣椒同孜然，好惹味，不過一放入湯其實就沖走曬😂。-舌尖上的蜀大俠($68)睇個名真係唔知佢係咩，原來係薄切既牛舌，卷成花形，輕輕滾佢十幾秒就可以食，幾爽口唔錯啊。-無骨鴨掌($38)司令都幾推薦鴨掌，去左骨食落好方便，而且愈滾愈入味，正！