美心皇宮 (已結業)

親友眾舊,少不免大家坐低飲杯茶,食個包.奈何表姨媽又要十一點湊孫!於是就吓佢嚟咗葵芳!記得舊年去過大埔嗰間,唔知呢間點呢?十點前我地上到去!都唔係好爆.睇一睇MENU.小點$11.8中點$14.8大點$17.8 茶$7一位中價錢AH叫咗8個點心:干蒸牛肉.馬拉糕.南乳豬手.春卷.蒸排骨等等.我覺得個素粉果就蒸得唔錯.(可能我幾鍾意食翠玉瓜啦)其他都唔係太差.仲有就係菠蘿叉燒包.D叉燒醬都幾多!服務都幾好,唔會加完水個茶壺唔知去咗邊!有機會試下新開番既中國芳同潮江春.埋單$160度.多謝表姨媽!