美心皇宮 (已結業)

咖哩魷魚魚蛋，得一兩片魷魚，魷魚無味，魚蛋粉粉的，醬汁太杰粉果一夾即散，味道麻麻豆苗餃幾有口感，咬落幾爽口大點的瑤柱汁炆柚皮，難食到無法想像，柚皮完全無味，感覺似食海綿一樣馬拉榚非常濃味，非常好食，想再點一個都沒有了，非試不可牛肉腸都可以，腸粉滑溜，牛肉夠鮮鳳爪炆到入曬味，夠身蝦膠魚肚一般般，蝦膠太硬，魚肚ok，兩樣合併一起食，不配合:(…查看更多

昨晚相約舊同事團拜，四人又沒有啱吃的套餐選擇，散叫又唔抵，最後選擇吃團年春禧鮑撈到(中銀信用卡優惠價HK$593) 。用餐前，侍應派給各人一張鮑撈起的餐單，桌面上亦放上一大張圓珍的宣傳餐單。有三文魚，螺片，海哲，薄脆等配料，加上配汁，各人舉起筷子一齊撈勻整碟配料。因為加入太多配汁，感到很酸味。最後奉上熱騰騰的鮑魚海味盤菜，份量只配給每人各一件。味道又不感到重味精，吃後不感到口渴。吃完感到肚仍未飽，同事提議ORDER多一碟瑤柱蛋白炒飯，各人才感飽肚。 …查看更多

媽媽有張免費雞券今天到期,遂到指定美心皇宮葵芳分店ko佢。從葵芳港鐵站有天撟連接至新都會廣場,乘扶手電梯至5樓便抵達。零蚊雞加三個小菜是我們是夜晚餐,不過我忘記影相。零蚊雞 -不知是否因H7N9個案顯著增加關係,所以是晚雞隻超熟,肉嚡味咸。金銀蛋浸莧菜 -皮蛋咸蛋比例相約,莧菜很嫩,夠淋。菠蘿咕嚕肉 -菠蘿做了主,咕嚕肉做副,瞎子也酸開眼。琵琶豆腐 -一碟有十二件,加多四條菜芯,再以瑤柱絲,金菰段埋獻,味道豐富。值得一讚是服務員的效律,由開茶,落單,加水,結賬樣樣都勁快,員工之間沒有互相推讓。…查看更多

我唔算一個好咀雕既人，但真心覺得呢間野唔掂忍唔住第一次寫食評1) 無冷氣，我坐係到眼見至少5台客一邊食一邊撥扇，仲聽到d staff講d客要求開大冷氣，結果當然係無啦2) 初見到推車仔點心，好興奮，太耐無見啦，點知推黎推去都係個幾架車，食黎食去都係個幾樣，無野簡，係簡無可簡之下，我連平時唔太喜歡既點心都要order啦，仲有，推車有樣唔好，d炸野好多都凍3) 唔好食，叉包唔夠醬、鮮蝦腐皮卷無鮮蝦、芋角唔脆仲凍既、馬拉高鬆過龍，我覺得稍為好食既係牛肉腸，佢皮厚唔算滑，純粹係d牛肉好味咋4) 唔抵食，我地2個人食7款野，埋單要$2xx，好食就話姐，我已經覺得無款簡，唔好食，仲要食到出Q晒汗，仲要每人百幾蚊，真係只此一次…查看更多

放假幾星期後重回葵芳區,當日很有飲個早茶的興緻,區內幾家酒樓中選了美心皇宮,不是因為有什麼早茶優惠,只是想享受一下推車仔點心的飲茶樂趣。平時到美心飲茶習慣先向知客小姐取票入座,原來早茶人客不多之時可以隨便坐! 那就慢慢選個合心水位置嚕,繞場一週後發現大廳那邊十二分熱鬧,加上煎釀三寶車不斷煎炸中,還是高台上的桌子較舒適也沒有那麼重油煙味,可是開茶後才想到.....車仔又怎能上幾級樓梯上的高台呢???????? 結果還是要拿著點心紙稍移肉步到點心車找想吃的,又或是劃紙仔嚕。香片茶連熱水各一壺對我而言足夠有餘,香片茶葉連同一朵朵茉莉花同泡出的茶,茉莉的花香味是有的,只是喝來未夠順滑,還有舌頭澀澀的感覺,質素似乎未夠水準,而且有質素的香片茶葉其實不應該看到有花蕾但帶有花香的。高台前的幾部點心車仔,其中一部是我不會選的粥品,另一部車仔的點心中以鵪鶉蛋燒賣最有興趣,蒸氣氤氳的拿到桌前,三顆以白色皮包著的燒賣表面仍是濕潤,不是乾乾的翻蒸貨色,新鮮!鵪鶉蛋膽固醇比其他蛋高,但那粒滑脫脫的全熟小蛋真的好吃嘛;下層燒賣部份每顆都有肉汁流出,以傳統碎豬肉、蝦仁及冬菇伴成的燒賣,乾菇香味十足,豬肉跟蝦肉爽口多汁,這道已不多見的傳統點心真的不錯。蠻有笑容的阿姐拿著一盤焗包兜售:"小姐食包丫, 新鮮出爐呀!"就憑新鮮出爐四個字點了一碟餐包。三個包子也真夠柔軟,以筷子一夾就變形了!叉燒洋蔥餡蠻豐富,餡料也能將包子裡面填得甚滿,沒有出現如空空山洞般情況,包子面塗了一層不知是蜂蜜還是濃稠糖水,令包子加了甜味及更光亮,不過又更黏手了。還在享用這甜味焗餐包,更傳統的叉燒包滿滿一車的推到台前,還有雞包仔! 這些好像更好吃,起碼不會令筷子及嘴巴都黏黏的哦。等來等去也不見腸粉車,唯有劃紙仔去點,等到發呆還以為漏單之際,見到傳菜阿姐拿著幾碟腸粉送予不同客人,她的身後就是那部腸粉車仔,相信是師傅一批地拉出來關係吧。不用加油也在陽光下看到這盤腸粉油光閃閃,腸粉顏色米白,入口軟滑略有彈性而不黏筷,加上以上湯煮得帶甜的醬油,只是齋腸粉已很好吃了;每條腸粉有兩枚大鮮蝦,每隻蝦肉還是泛著微紅的,蝦肉爽口還微微有蝦鮮,稍沾醬油更好吃。而且早茶時間價格比午市正價便宜不少,這質素絕對吃得過。一個人真的吃得不多,希望趁假期裡跟大人一起來吃個更痛快才成! 還有叉燒包、燒賣和甜品車仔很想吃唷!…查看更多

二○一二年二月十八日（星期六），是我們的紀念日。那天我們回到老地方──美心皇宮酒家。事隔六年，該酒家已裝修，但沒有以前有牡丹柱子那麼豪華了，所以我不免有點回憶過去的環境。然而，衛生十分佳，點心製作亦很精美，尤其陳皮欖仁酥 (中點)，有陳皮的微香，欖仁餡鬆軟。魚子豬肉瓜甫、魚子蝦丸豬肉和桑寄生蛋茶也是佳作，因為味道適中，不太淡或鹹。不過缺點是點心種類不算多，如能多加些種類會更理想。服務方面，此店的確是粵式酒家的佼佼者，端上點心時，例必著客人慢用，招呼極之理想。:)寫於2012年2月29日，已修改…查看更多

美心皇宮真有宮廷般的服務態度例子 1:在美心叫蝦腸要寫紙落單, 我拿起紙但找不到筆, 唯有叫阿姐 (下稱姐 A) 落單, 而姐 A 亦話 OK 會幫我寫. 轉頭另一阿姐 (下稱姐 B) 氣沖沖的走過來, 問為什麼我們落單但什麼也沒有寫?我心想姐 A 一定是忙極了, 也不怪她的疏忽, 因為美心的阿姐們一向高貴, 貴人自然事忙. 我唯有回應道: "係呀, 對唔住, 冇筆".姐 B 此時憤怒鳥, 在一個高高的, 圍滿宣傳廣告的膠筒中, 拿出一枝短小的原子筆, 把筆放到我面前定住, 反問道: "冇筆~~~?" ("筆" 字的音 hold 住約 3 秒)我心中不禁讚嘆, 平時美心的阿姐們的視力都像有問題, 經過幾多客人的桌子上等待斟水, 收拾蒸籠的頹垣敗瓦情景都視而不見, 但原來在客人最需要幫助時便會激發出本身的潛能, 露出如禿鷹般銳利的眼睛.例子 2:有一次我們坐的位置可能不太便利, 沒有太多車仔經過, 我便自行出去拿點心吃.拿了兩籠點心, 因為蒸籠很熱, 我唯有小心翼翼的慢慢行回坐位. 此時我聽到一位阿姐嚷道: "滾水!!"我心中暗咐, 我手中的蒸籠雖然灼熱, 但當然不會比足有攝氏 100 度高溫的滾水更滾. 我便側身一讓.赫然看到此位阿姐便是上述的姐 B, 但她手中沒有滾水, 只有幾張待埋的單. 我心中又再讚嘆, 平時服務慢條斯理的阿姐又一次在客人需要的時候突破極限. 她們深知客人歸心似箭, 不想久留, 所以埋單往往是整個飲茶流程中最快的步驟. 而在尊貴的皇宮中服務多年的阿姐更不惜說出像大排檔伙計般草根的說話, 她的紆尊降貴令人拜服.例子 3:如上述, 美心的阿姐們一向視力不太好, 看不到客人桌上的空茶壺和空蒸籠, 這點本人很體諒, 這裡是皇宮嘛, 粗重的事自然不能要求高貴的阿姐去做. 所以在美心皇宮, 本人自己出去斟水亦是慣常之事, 有時自我安慰, 像古代詩人般自斟自飲也不失為人生一快事.但一次桌上的蒸籠還有兩個灌湯餃空盅把桌子都塞滿了, 我為了引起阿姐們的注意, 把蒸籠放上兩個灌湯餃盅上疊高, 心想應該會得到阿姐們的關注. 好一個美心皇宮, 過了十五分鐘桌上的東西仍舊無人處理. 此時我們叫了半個小時的蝦腸仍是姍姍來遲, 我無奈截停一位阿姐問可否取消 order, 此時奇蹟出現了...她回應說 ok 之餘, 亦竟然看到了桌上的東西, 並替我們收拾!!! 但非常奇怪地, 留下了兩個灌湯餃的空盅. 我雖百思不解, 但亦不敢打擾尊貴的阿姐, 可能她以為我們還會再吃那兩盅被蒸籠疊過的灌湯餃也說不定.食物方面, 美心皇宮的御廚們亦很與時並進, 例如百花蒸魚肚和鯪魚球就很符合 "食物金字塔" 的原則, 蝦膠和魚肉混入了大量的麵粉, 使點心有很奇妙的口感之餘亦甚為飽肚, 亦不怕攝入太多的蛋白質,其他食評:灌湯餃 - 唯一比其他酒樓好的點心, 鮮味和很足料, 有大大粒瑤柱, 但價錢亦收得足.蝦餃 - 很普通, 菜苗餃比較抵食, 因為味道不俗又比蝦餃大粒和便宜.燒賣 - 如上述加入大量的麵粉. 總的而言, 美心的服務真令客人賓至如歸, 不負 "美心皇宮" 之名. 另外其食物之清淡亦很得我心, 其多麵粉少肉的點心是美心皇宮的一大特色, 強烈推介給剛還俗的和尚來品嚐.…查看更多

Came here for lunch the other day. Lots of Dim Sum choices in this mall but my family chose this place. The rice was so so, I felt that it wasn't hot enough though. The meat was skinny but the taste was ok.The 牛柏葉 was poor ... very unfresh and way too soft. The presentation and colour was also not very appetizing. The 雞腳 was better, but nothing special. Tasted like what you could get everywhere else.The jellyfish was only average. It was tasteless and the presentation was too plain. They could've at least sprinkled some sesame or green onion on top! The temperature was also strange. Not cold enough. The 燒賣 was quite good. Hot enough and the shrimps tastes good. Great with their chilli oil. The 馬拉糕 and 豆腐花 was also average, I have had much better elsewhere. The 豆腐花 was special though, because it was served in the wooden bucket and you had to spoon it out yourself. However, it wasn't smooth enough. The restaurant itself is an average Dim Sum place, noisy and tables were very close together. Service was also average, food came in very random order. Overall, not a very satisfying lunch but not to the point I would call bad. There are definitely better places for Dim Sum which I would pick instead of coming here. Likes: 燒賣Dislikes: 牛柏葉Come Again? Probably not.…查看更多

上星期絕對是飲茶轟炸週，其中一連三日都因著公事要出外用餐，而每次都是很巧的揀著飲茶! 第一頓茶於新都會的美心皇宮，繼名門讌客的一頓（那一次沒影相也沒寫食評了），回公司後那只是第二次飲茶，還未覺得煩厭，甚至對重溫昔日質素不錯的美心皇宮，有一點期待。 　暫別了葵芳差不多兩年，不得記得清楚：印象中以前只得樓上聚豪閣有推車仔，不知是否前者結業關係，依家就改為樓下沿用舊式推車仔。雖然有風味，但要彈車仔的數量不夠多，頗難才找到一兩架叫點心，等待過程都幾炆的。等人之際，先不客氣點了兩籠蒸包，首先是叉燒包。一段時間沒來，估不到縮水成一籠兩隻，未知是否與最低工資有關? 然而扣除數量問題，叉包包身鬆軟香棉，叉燒餡不會太肥，甜度適中，質素是不錯的。　另一籠是蓮蓉包，不錯就是一籠三件，但也變得細隻了；其實包身縮水也不要緊，但它連中間的蛋黃也消失了，風味即時大扣分! 加上我開始戒飲茶，以白開水送沒蛋黃的甜包，味道更加寡了，唉。:(　終於人齊，又一口氣點了多款點心，有部份只食未影，一起介紹如下：蝦餃兩籠，看外表已經太皮薄餡靚，忍不住吃了一隻，挺好吃的；粉果，沒試；燒賣，幸好也是沒試，因有同事吃到豬肉變酸，估計質素有問題，後來同店方反映後退掉；豉椒金錢肚，金錢肚煮得稍為稔身了，但底層的芋頭卻因此變得超好食；薑蔥牛栢葉，調味適中又有一定爽口度，算不錯；豉汁蒸鳳爪，沒試；蜜汁叉燒酥，有同事大讚好食，因怕油膩難消化，沒試；紫菜蟹柳卷，同上。　除了點心，又重溫了往日心頭好的脆皮燒腩仔，可惜除了份量縮水，成品更是莫名的潮濕，沒了昔日的香脆美味風采，不好吃! 　胡麻醬茄子，茄子煮得軟身不過稔，仍有一定挺度，再配上滋味豐富的微辣胡麻醬，十分開胃美味，令人越食越想食!　此外又一口氣點了三碟菜，包括小棠菜、芥蘭、菜芯，務求吸收更多的葉酸，對BB好! 然後，見大家都有放慢之意，但我還未夠飽，見剛好推來灌湯餃就追加一盅獨享。其實平日我很少吃這款超稔身的湯餃，但為了飽肚，並順便飲點湯水，也是一個選擇；盅中有大粒元貝，算是足料，然而湯底實在偏咸了，結果也完成不了。　　而有我在場，當然點了大埋甜點，首先有香蜜脆麻花。坊間較常見是蛋散，這款更為脆口的麻花就少見些，但這裡的出品稍嫌實身了些，未達理想水準。　 古法馬拉糕色澤深邃，看來挺吸引的樣子，但一吃才知較為乾身；相比之下，另一款色澤淺黃（這款沒有相），但質感非常潤澤又甜美的南瓜千層糕，就要美味多了，兩者歡迎程度的也差很遠呢!　薑糖桂花糕的賣相十足一件東坡肉，眾人都難信它是甜品，哈哈! 然而別致的賣相下，所用薑糖味道太搶了，並不是很好吃。 焦糖燉蛋則真的十分出色了，質感超軟身又滑溜，並有陣陣焦糖香，水準不輸多間甜品專門店，十分美味!最後大家又點了各自的糖水，戒了綠豆沙已一段日子，當日忍不住向同事要求分享一點，但覺味清純香甜，不錯的，不過真的好熱! 怕熱的大肚婆，還是選擇清涼切沁心的楊枝甘露吧，這糖水多年來都是那麼甘香可口，在飽餐一頓來一碗，感覺無比寫意。 雖然整體水準比過去稍跌，但在這區總算是中上的飲茶之選。而如想再吃好點，去樓上新開的潮江春吧，明天也會介紹!…查看更多

三八婦女節緊係唔會在家煮飯啦,去了美心皇宮食晚飯,兩人共點了: 半份濃湯雞煲翅 - 168元, 講到用濃湯緊係夠味啦, 翅份量都ok. 貴妃脆蝦球 - 78元, 一碟只有六隻, 大大隻, 再加上蝦子, 很好食. 蕃薯芋頭菜煲 - 68元, 全餐最失望的一個菜, 蕃薯硬和無甜味, 芋頭還可接受, 有芋香, 看似簡單的一道菜都做得不好. 上湯煎粉果(半打) - 48元, 夠香口, 但有d油膩, 都好味.服務很好,埋單432元.…查看更多

今日(21-11-2010 Sun)男友放假但爸爸開工,重諗住男友想食再食懷舊灌湯餃,就同佢,爸爸再o黎多次添.:(咁同男友再o黎先啦,o黎到唔多人,知客都叫我o地自己隨便搵位坐,啊.我o地搵到個二人窗口位,正呀!好,開好茶叫o野食lu.1.龍蝦湯鮮竹卷其實開頭冇留意乜湯物湯,男友先試吓湯,真係有龍蝦味,我亦嗅到有.食落唔係太濃,鮮竹卷唔太大條,內裡o既餡都係紅蘿蔔,豬肉,冇乜問題.不過係龍蝦湯加返啲分.味道: 3.8分2.麵醬蒸茄子好明顯,呢隻汁o既味道濃啲唔過鹹.茄子夠腍,面上蝦膠一般.味道: 3.5分3.百花釀魚肚原來上次我o地都有食,可能我見魚肚就雙眼發光啦.今次魚肚同蝦都幾彈牙,唔錯.不過我嫌味道太清.味道: 4分4.山竹牛肉呢個好普通好普通…..味道: 3分5.焗西米布甸男友要食甜品,但點心紙上o既要11:00am後至有,咁男友見到有呢個就叫.嘩!有燶焦糖,重熱辣辣o架,食lu,有好多西米,質感鬆鬆地,唔太甜,但食到燶焦糖時就好濃味,不過呢個都幾漏.味道: 3分6. 牛筋一碗都幾滿,牛筋夠腍,有少少辣味,都食到有兩件係大大件o既.味道: 3.5分呢餐$178.20.環境:今次我o地坐o既位置好舒適,同一啲都唔迫.服務;個個都好有禮貌,包括賣點心o既亞姐們,不過係收o野慢啲.…查看更多

現在還有推車賣點心, 最初有點不習慣, 因為很難知道每輛車是賣什麽點心而且是什麽點數, 每輛車都裝有五款不同點心, 但我見點心姨姨都不會嗌曬d點心出來, 始終要靠睇車牌。唔怪得早茶可以咁靜.......嗰價錢可以話喺全葵芳之冠!? (如有錯, 我先致歉)蒸粉卷內有瑤柱絲; 鳳爪排骨飯應該是餸和飯一同蒸熟, 飯粒軟硬適中, 有飯味, 排骨只有一粒是帶骨的, 用的是肥肥地的腩排, 全碗都有至少五大粒排骨和二隻厚肉鳳爪, 我不用下蒸飯豉油也能KO碗飯, 足見豉汁有料到 ; 义燒腸無芫茜夠正宗但粉皮的澄粉太多, 令腸粉得個透字但質地硬掘掘, 好似打咗石膏咁 ; 鵪春蛋燒賣蒸得剛剛好, 因為蛋白依然軟身而蛋黃還是濕濕地, 肉球由彈牙的蝦仁及打得有根性的豬肉混合而成 ; 燒賣也是蒸得剛剛好, 大家可以睇睇照片, 燒賣上的蟹籽是沒有破掉而且依然濕潤, 顏色也鮮豔無比, 肉也是有打得有根性的豬肉和香菇混合而成, 很重菇味。鯪魚球不夠魚味, 味淡但很重果皮味, 連不吃鯪魚肉的武術師傅也夠膽KO一嚿。是次消費：$146.50…查看更多

飯局又來了... 今次約在中午.. 飯茶!?哈哈... 因為可以慢慢食, 又可以坐耐d啊ma*食o左咩!? 相一看見曬, 燒賣.. 好味! 大大粒~有口感!珍珠雞, 平時飲茶我一定唔會食, 不過估唔到呢到的會少飯多肉, 好入味, 而且又好香, 有咩顏色, 又足料!! 抵讚排骨.. 都幾入味炸物... 香口而且內裡唔係空的, 唔似其他酒樓其實就冇乜特別*不過12點多都冇乜人... 就知道附近2間酒樓對美心有幾大影響喇~不過我依然會支持你的... 下次會再來!…查看更多

今日(8-82010 Sun)同爸爸,大哥分別去醫院探伯娘,因為男友唔識佢,所以我先同男友o黎攞飛,由男友等位.我睇完伯娘後先o黎會合男友,免得佢一個人悶住坐太耐.男友自己先食o左釀涼瓜同豆腐花,我同佢再揀定啲點心,差唔多時間,點心,大哥同爸爸都o黎到,不過爸爸話要開多個位,我問邊個o黎?佢答叫o左大嫂o黎.啊.好吖,但我o地都開餐食住等.1. 百花蒸魚肚百花即係蝦膠,好大舊,魚肚得o個啲咁多,蝦膠唔算太彈牙,味道亦唔濃,魚肚就腍.2. 懷舊灌湯餃兩籠啲湯係o係裡面,但唔多,食落我只食到冬菇味,其他o既都食唔出.3. 老翠園煎粉粿呢個外表燶到呢,跟埋大地魚湯,味道得一個字~鹹.4. 陳皮牛肉腸雖然細細件,但陳皮味太搶,唔係幾o岩我食.:(5. 兩派倫教糕即係白糖糕加黃糖糕,[呢個食落唔太甜,反而係驚喜.:)6. 奶黃包呢個我竟然冇得食.7. 潮州粉棵明顯好細件,味道正常啦.8. 煎糯米雞個男仔幫我o地剪開四件,我同男友食一角,o岩o岩有蛋黃o既,呢個唔太乾,可以o既.食到呢個時候,男友要返工走先,大嫂又o岩o岩到o黎,真係移形換影o勒.9. 叉燒餐包面上冇乜蜜糖,一般.10. 煎蘿蔔糕煎到都幾燶,但好香,食落都冇乜蘿蔔味,又係一般.11. 燒賣呢個我都冇食到.呢餐埋單$416.00環境:係好靚,但都幾迫吓,成日都被人行過撞椅背,最抵死o既係連經理都係盲中中咁撞.…查看更多

換過哂的菜牌加入咗一系列懷舊菜，頗吸引！！兩個人Order咗生炒骨、龍穿鳳(雞翼去骨釀入金華火腿)、釀豆腐加個例湯霸王花煲瘦肉。個例湯正到不得了，完全住家feel清甜又夠味，全無味精，order半份有五碗(飯碗)。個龍穿鳳係電視就見「金毛高」整過，食就第一次，簡單啲去形容-----好味！！值得一試！！豆腐同生炒骨就保持美心水準。最後加多兩個甜品，燕窩奶凍同涼粉，原來買二送一，加多個杧果糯米糍，除咗涼粉一般外，其餘兩個都okay！下次要試埋啲高膽固醇菜，鴨腳包、金錢雞...............整餐飯各方面都令人頗滿意，冷氣除外。向經理反映，他解釋因為係商場供應，而裝飾上又因玻璃有罅，所以戶外熱風可以入到酒樓！最後加風扇解決，先天問題但經理態度誠懇又盡力解決，呢啲咪今時今日嘅優質服務態度典範囉！…查看更多