URBAN Cafe (兆萬中心)

营业中

休息中

我相信嚟呢度食嘢嘅人，醉翁之意不在酒，在玩貓😹。咁啱我哋一行六人，於是就叫一個二人餐一個四人餐，唔使諗，快快落單，快快玩貓。六個主食當中我較喜歡意粉類，包括溫泉蛋煙肉野菌卡邦尼扁意粉同埋原條鰻魚明太子忌廉扁意粉，夠 creamy，其中後者條鰻魚雖然唔算好肥美 juicy，不過真係幾大條，都幾吸睛；黑松露芝士野菌忌廉意大利飯面頭芝士碎勁多，醬汁味濃，但飯嘅咬口就一般；西班牙燒烤醬黑毛豬肋骨就正常水準，份量亦足；至於兩個薄餅（夏威夷薄餅同煙三文魚千島薄餅）係港式餅底，就唔係我鍾意嘅口味喇。嚟得幫襯，我諗十個有十個都唔志再食，志在玩貓，場入面我估大大話話有成十幾廿隻貓，全部都唔怕人，連一向唔太好貓嘅我都覺得幾好玩，心思思又想下次嚟啦😽。