影片
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
Urban Cafe - 旺角猫Cafe 🐾今日去咗位于兆万中心14楼嘅Urban Cafe，一间超干净嘅猫Cafe，而且真系超抵食！五十几蚊就有一个餐，包括主菜、餐汤同餐饮，可以喺度坐足一日，仲冇入场费，真系抵到爆！🐱🍛 焗日式咖哩鸡扒饭：鸡扒嫩滑，咖哩香浓，每一口都充满日式风味🍝 三文鱼柳忌廉烩意粉：三文鱼煎得够身，忌廉汁香滑，配埋意粉，味道丰富。🍗 黑松露汁葡式烧春鸡配薯菜：春鸡嫩滑多汁，配上黑松露汁同薯菜，食得非常满足。🍵 忌廉餐汤：浓郁香滑，绝对系餐前必饮🤣🍢 超抵食嘅小食：只需加18蚊就有章鱼小丸子，仲有加咗一份花枝饼，真系好抵食！🥤 港式冻奶茶：冻奶茶好饮，茶味超香浓☕ 榛子咖啡：榛子香气四溢，味道出色， 不过可以叫返小奶。Urban Cafe里面超多猫咪，每一只都好干净，少少臭味都冇，环境整洁，员工亦都非常友善有礼，绝对系一个放松同埋打卡嘅好地方。📸📍 地址：旺角兆万中心14楼全层#UrbanCafe #猫Cafe #旺角美食 #焗日式咖哩鸡扒饭 #三文鱼柳忌廉烩意粉 #黑松露汁葡式烧春鸡 #章鱼小丸子 #花枝饼 #港式冻奶茶 #榛子咖啡 #香港美食 #猫咪 #猫奴天堂 #食评 #餐厅推荐享受美味同埋可爱猫咪嘅陪伴！🐾
继续阅读
今次系我第一次去猫猫 Café，真系超级治愈！🥰 去到门口职员会先叫你穿上鞋套，确保环境卫生。一推门入去，映入眼帘嘅系超多可爱嘅小猫咪，而且佢哋大多数都好活泼又唔怕人，感觉好亲切～由于我哋系平日去，所以无时限，可以慢慢食饭，再陪猫猫玩🐱❤️❀——❀——❀— 𝓦𝓮 𝓸𝓻𝓭𝓮𝓻𝓮𝓭 —❀——❀——❀🍴 Set for Two ｜$268呢个两人套餐性价比好高，份量啱啱好1️⃣ 精选餐汤 & 精选沙律沙律清新开胃～餐汤热辣辣2️⃣ 温泉蛋烟肉野菌卡邦尼扁意粉呢个卡邦尼意粉卖相好靓，加咗花做装饰～有烟肉野菌做配料。特别系温泉蛋，一拌开即刻变得更加 creamy！🍝3️⃣ 西班牙烧烤酱黑毛猪肋骨猪肋骨香嫩入味，BBQ酱甜甜地～配埋洒咗少少调味粉既香脆薯条，味道唔错可以选呢个！🍖🍟4️⃣ 加 $25 雪山心太软配雪糕我地拣咗抹茶味，内里流心抹茶酱香浓，配埋雪糕，正正！🍵🍨5️⃣ 两杯饮品饮品可选$38 以下，超过要补钱。我哋拣咗热柠水同冻柠茶，啱哂一边饮住一边同猫仔玩～☕🧊❀——❀——❀——❀——❀——❀——❀——❀——❀价钱亲民，食物质素都唔错，但主角当然系猫猫啦！🐾 店员好细心照顾啲小猫，睇得出佢哋好钟意佢地！❤️
继续阅读
我和朋友去左猫猫CafeURBAN Cafe (猫猫Cafe) 见到Cafe超级多人超级多人玩猫猫，猫猫都好可爱🐈🐈⬛我同朋友同猫猫玩之余都试咗佢哋嘅晚餐-美国猪胺扒:鲜嫩的肉质，搭配清新的柠檬苹果酱，呢个整得非常之出色，建议大家食🍖🍏 -日式蟹肉甲罗: 鲜美的蟹肉，搭配独特的烧芥末忌廉扁意粉，佢系有啲辣，但系都可以。🦀🍝-草莓紫米酸奶: 健康又美味，草莓的酸甜与紫米的香气交织，完美的搭配！🍓🍚-牛油果奶昔: 鲜滑的口感，让你在炎热的夏季倍感清凉！🥑🥤而且𠮶度都可以俾买零食猫猫食，啲猫猫自由自在咁样走，好舒服嘅环境。
继续阅读
Urban Café — 干净舒适猫Cafe✿去过呢间猫Café既3间分店，分别系观塘、荔枝角同旺角，今次先写一写食评🥳呢一间Café系我去过既猫Cafe之中最干净，猫猫种类最多，食物质素亦系最高🙌🏻真系要比返个5星星~!!✨入门口之前店员会要求穿著鞋套，确保环境干净，入到去真系好震撼，成间餐厅有几十只唔同品种既猫!个人即刻都融化左☺️☺️餐厅装修简约雅致，见到空间感好大，枱面都算大张，可以一次过放满2人餐既食物。有大幅墙身留比猫猫爬上去训既地方，而猫猫最钟意就系训系餐枱隔离突起身既枱，或者坐系你櫈隔离，可以一边食野一边摸住佢地，全部猫猫啲毛都好滑好干净，同埋猫猫都好乖任摸唔怕人既。每只猫猫都有挂牌写住佢地自己既名，都睇得出店员好爱锡猫猫。🥰🥰黎到挂住玩猫差啲唔记得食野，我每次黎都会叫二人餐，最抵食！😆包括主菜、餐汤同餐饮，餐汤沙律 用沙律菜配醋汁，酸甜开胃小食拼盘 份量都好大，有成四粒炸鸡青酱红虾意大利饭 红虾好大只，青酱味浓郁安格斯牛肉手工汉堡配薯条 呢个汉堡有埋沙律薯条，大份好食日本伯爵茶芝士蛋糕配雪糕 中规中矩系典型既雪糕，芝士蛋糕有淡淡伯爵茶味冻咖啡芒果薄荷梳打 原本以为猫猫Café卖点只系猫猫，啲食物一定唔好食，但我睇小左佢食物质素中上，又大份又饱肚，价钱唔贵，绝对系对得起个价钱🤓每次想玩猫都会谂起佢，一定会无限encore呀~!😍😍
继续阅读
明明有位置，但被赶出来了。说要在外面等叫号。本身很喜欢这家店，猫咪都很可爱。但是似乎服务人员并不热情接待，这让我们在外面等待的人很伤心。感觉这样不是长久之计，希望可以再次见到猫咪们。
继续阅读