影片
更多
2010-03-05
138 浏览
近來的生日飯局, 總愛上黎呢d咁既會所, 可能是貪佢夠private. 是日是兩位開飯重要成員, 南瓜同Chris既生日局, 由於近新年, 夾極都夾唔到時間, 地點改了又改, 最後, 決定了來呢間鮮為人知既順德聯誼總會, 連開兩席. 聯誼會在二樓, 上到2樓時, 原來我們被安排了一個更Private既箱房, 位於8樓的一個小小聯誼廳, 顯得更加Private.未齊人時, 飯局未開, 但酒局已經開始. 差不多有10支紅, 白, 香檳, Sake. 愛酒的不只曷Chris, 我們一眾小人物首先來一個品味紅酒. 品完酒, 主角到齊, 客亦坐滿. 店方亦開始上菜了. 按順序, 菜式應該是這樣的.瑤柱竹笙豆苗燒焗大魚嘴桂花炒魚翅大良炒鮮奶淮杞螺頭湯豉油皇大蝦海參扣柚皮當紅炸子雞生炒糯米飯腰果杏仁茶奈何次序是亂了, 第一道菜, 先黎個湯, 實行飲湯先, 再食飯. 淮杞螺頭湯, 分明是一個火候剛剛好的湯. 用上大大隻既螺頭, 湯料亦有雞腳瘦肉. 個湯非常之鮮甜. 而且湯渣, 尤其是美味的螺頭, 成為了各蝗蟲必搶之物.之後是燒焗大魚嘴, 據說是順德名物, 寫菜單時, 備受叮囑, 一定要叫呢味野. 順德
未齊人時, 飯局未開, 但酒局已經開始. 差不多有10支紅, 白, 香檳, Sake. 愛酒的不只曷Chris, 我們一眾小人物首先來一個品味紅酒. 品完酒, 主角到齊, 客亦坐滿. 店方亦開始上菜了. 按順序, 菜式應該是這樣的.
瑤柱竹笙豆苗
燒焗大魚嘴
桂花炒魚翅
大良炒鮮奶
淮杞螺頭湯
豉油皇大蝦
海參扣柚皮
當紅炸子雞
生炒糯米飯
腰果杏仁茶
奈何次序是亂了, 第一道菜, 先黎個湯, 實行飲湯先, 再食飯. 淮杞螺頭湯, 分明是一個火候剛剛好的湯. 用上大大隻既螺頭, 湯料亦有雞腳瘦肉. 個湯非常之鮮甜. 而且湯渣, 尤其是美味的螺頭, 成為了各蝗蟲必搶之物.
之後是燒焗大魚嘴, 據說是順德名物, 寫菜單時, 備受叮囑, 一定要叫呢味野. 順德地區, 出哂名盛產淡水魚. 而且那邊的魚, 往往被稱為水庫魚, 大大條的, 淨一個魚頭都可以做到幾道菜出黎. 呢次我們專注魚嘴, 焗出來一片片的魚嘴, 雖不算多肉. 但薄薄的炸粉內, 是滑滑的魚唇皮, 骨又容易吐出來. 不是飽肚的一個小菜, 而這個魚嘴, 加點白酒 or 啤酒, 相信有不錯的表現.
桂花炒魚翅, 魚翅羹多食. 炒魚翅, 真的比較少食. 魚翅本身是冇味的, 全靠伴上的菜同蛋, 炒成一團. 有朋友覺得就咁食好似差咁D野, 實行叫多一碗白飯, 來一個魚翅撈飯, 更加配襯.
大良炒鮮奶, 順德地區, 另一名菜就是以鮮奶做的菜色. 而一提到鮮奶菜色, 就總會出現大良呢個地方名行頭. 比較多人知的, 是大良炸鮮奶. 同大良牛乳. 炒鮮奶就是大良牛奶既另一種食法. 伴以肉碎, 松子, 蘑菇同炸粉絲一齊炒. 也是一個極好送飯既菜式. 而且呈膏狀的鮮奶, 非常之滑. 只嫌鮮奶不夠多而已.
瑤柱竹笙豆苗, 好多瑤柱絲呀, 而且汁是濃濃的. 豆苗同竹笙是另外用上湯灼熟的, 而瑤柱是另外像茨一般扒上去的. 濃味在頭, 淡味在後. 連簡單的清菜都做得咁有水準, 令我相信, 這些老牌會所, 往往隱藏著一位超級名廚.
當紅炸子雞, 憑該是是晚酒席的尾聲, 人人笑道, 是否食完了, 其實大家都知道, 雞之後, 仲有兩味好餸. 炸子雞, 亦是鮮雞做出來. 雞味重, 不太肥, 皮亦夠脆. 味道同質地口感屬於正常之列.
豉油皇大蝦, 果然是大蝦碌, 豉油扣兇來的大蝦, 肉質非常之爽口, 而且煎得夠乾身, 豉油汁一早已滲入蝦肉之內. 極之入味, 而且蝦膏好多, 咬一咬蝦頭, 啖啖的蝦膏香味. 心想食多隻, 但已經是不敢亦冇得吃....因為是一人一隻的.
來糖水前, 是海參扣柚皮, 柚皮一樣又厚又腍, 而且皮既口感質感不老. 海參亦因為濃香的蝦子味而變得非常可口. 用上小白菜伴底, 但總覺用豆苗伴底好似更好食. 而且蝦子雖多, 但唔夠多, 味道若是濃多一點點, 更加好.
糖水腰果杏仁茶, 感覺其實一般. 杏仁味未夠香, 而且我食唔出太多腰果味. 生炒糯米飯就只是小食一兩口, 點都要留一留肚食蛋糕啊.
此聯誼會, 地方夠哂 Private, 而且價錢亦相宜. 明年的家庭團拜, 若老人家們不介意港島區設宴, 此地值得再來.
张贴
