影片
更多
2019-08-21
36 浏览
今日奉老細之命同英國遠道而來嘅鬼仔同事食飯，鬼仔話落機冇耐仲有jet lag，唔想去太遠，所以我就同佢去酒店嘅意大利餐廳Bong食。嘉里酒店近紅磡碼頭，餐廳對正維多利亞港，早啲嚟仲睇到日落晚霞，嚟拍拖一定好浪漫～鬼仔叫咗個Set B，仲話同我share食，我真係「紅都面晒」。我哋再叫咗個意粉share～【Crab meat cheese truffle with homemade Linguine】黑松露係放咗幾片入去，唔係一般常見嘅黑松露碎，一上枱就聞到黑松露味。芝士亦都係一片片，蟹肉都唔少，自家製扁意粉幾有咬口，非常不錯。【Dinner Set B $760】餐湯係【Sweet Pumpkin Cream Soup】上面有泡沫加上濃稠度適中，南瓜味度冇過濃，飲起嚟感覺輕盈。【Grilled Scallop with Salmon Caviar】魚子醬好鮮味，入口即溶。燒帶子彈牙但口感嫩滑，點碟邊嘅三色椒汁好香口。另外仲有魚子醬同三文魚嘅配搭。伴碟有士多啤梨、青、紅番茄仔同藍莓等蔬果，好有益。【Sous vide Chicken Salad】沙律菜新鮮，不過肉就少咗啲～【Dry ag
嘉里酒店近紅磡碼頭，餐廳對正維多利亞港，早啲嚟仲睇到日落晚霞，嚟拍拖一定好浪漫～
鬼仔叫咗個Set B，仲話同我share食，我真係「紅都面晒」。我哋再叫咗個意粉share～
【Crab meat cheese truffle with homemade Linguine】
黑松露係放咗幾片入去，唔係一般常見嘅黑松露碎，一上枱就聞到黑松露味。芝士亦都係一片片，蟹肉都唔少，自家製扁意粉幾有咬口，非常不錯。
【Dinner Set B $760】
餐湯係【Sweet Pumpkin Cream Soup】上面有泡沫加上濃稠度適中，南瓜味度冇過濃，飲起嚟感覺輕盈。
【Grilled Scallop with Salmon Caviar】
魚子醬好鮮味，入口即溶。燒帶子彈牙但口感嫩滑，點碟邊嘅三色椒汁好香口。另外仲有魚子醬同三文魚嘅配搭。伴碟有士多啤梨、青、紅番茄仔同藍莓等蔬果，好有益。
【Sous vide Chicken Salad】沙律菜新鮮，不過肉就少咗啲～
【Dry aged Ribeye steak(250g) with King Tiger Prawn】餐廳最出名嘅係風乾熟成嘅精品級牛扒。風乾熟成嘅最大賣點係肉味更豐富，肉質保持粉嫩。調味料亦都好多花款—喜瑪拉鹽、海鹽、紫菜鹽、黑椒汁、芥辣、酸瓜。因其他之前都試過所以今次特別試酸瓜，酸酸甜甜又幾得意。除咗牛肉外，蝦都幾鮮爽，配菜好多都係蔬菜瓜類，比較特別係紅酒浸嘅啤梨。
今日嘅【Chefs Recommended Pasta】係番茄汁意大利粉，甜酸平衡配合彈牙扁意粉，不錯。
所以主菜食完就到紅桑子Sorbet，清吓口中味道迎接甜品。
【Today's Dessert】係Tiramisu，又香甜又滑溜，正。最後餐飲叫咗Cappuccino，以香濃酒店級咖啡完美作結。
张贴
