巷·弄 (已結業)

牛肉麵都同魯肉飯係我必點嘅！牛肉麵湯底醇厚，飲落係濃濃嘅骨湯香味，我成日覺得肉骨茶同呢個湯底應該有樣嘢係一樣，究竟係咩呢？？？🤔麵條軟硬適中，非常掛湯，而牛肉筋肉相間，夠腍滑又無渣，💛💛我好滿意呢碗牛肉麵💛💛魯肉飯水準平均，肉粒充滿油香，不過味道就爭咗少少嘢咁🤏🏻酥炸大排骨炸到酥脆，係嚿嚿都有骨嘅一字排位，炸漿做得幾好，但味道偏甜，但咬落有肉汁！份量非常之多，比較大食嘅朋友都食飽咗呀！至於餐廳環境，首先我去嘅果日真係好熱，店內冷氣唔知咩原因斷開咗好似無開咁，然後食完嘢已經一身汗，行出去搭車更加熱，上到車熱到捲咗嘅頭髮都直埋！希望店家正視冷氣問題，如果唔係夏天桑拿式食飯真係好折磨⋯