影片
更多
2022-06-06
377 浏览
好少嬲到要出評。。仲要詳文。。第二次光顧，亦都係最後一次。。一年前光顧過晚市，覺得佢幾好食，今次咁岩去開官塘，即刻訂位再食。。今次食午市，樓下停車場無位，遲咗到，去到門口職員係有講解幾點last order。。可以食到幾點。。一心諗住嚟回味。。所以就算時間唔多都照入。。諗住快食都好。。坐到落去，因為之前食晚市係半自助，叫小朋友出去拎飲品個d。。一個拎咗包裝飲品，一個拎咗汽水返嚟，我同友人研究緊落單，詢問職員，佢先話無放題打邊爐截咗單無喇，得點心，同任選一款酸菜魚呀，雞煲呀個d。。其實我哋係一心想打邊爐，但眼見小朋友已經拎咗飲品，無理由就咁走咗去，咁就算啦。。小朋友揀好食咩，到我同友人揀緊之際，其中一個小朋友突然爆喊，嚇到我以為佢整親。。問極一路都無講咩事，問另一個小朋友，佢話佢飲品俾經理收咗。。咪問經理發生咩事，佢話我哋唔係放題，飲品係要落單先有，我理解既，咁就叫佢照落單計錢，俾返頭先小朋友個飲品佢，唔該！我係好好態度的。。個下我真心以為係一場誤會。。安撫完小朋友，相安無事繼續食。。叫咗剌身，酸菜魚同點心。。剌身，對一間唔係專業既嚟講，期望不嬲都唔會太大。。但未至於差過連鎖壽司店掛？酸
第二次光顧，亦都係最後一次。。
一年前光顧過晚市，覺得佢幾好食，
今次咁岩去開官塘，即刻訂位再食。。
今次食午市，樓下停車場無位，遲咗到，
去到門口職員係有講解幾點last order。。
可以食到幾點。。一心諗住嚟回味。。
所以就算時間唔多都照入。。
諗住快食都好。。
坐到落去，因為之前食晚市係半自助，
叫小朋友出去拎飲品個d。。
一個拎咗包裝飲品，一個拎咗汽水返嚟，
我同友人研究緊落單，詢問職員，
佢先話無放題打邊爐截咗單無喇，
得點心，同任選一款酸菜魚呀，
雞煲呀個d。。
其實我哋係一心想打邊爐，
但眼見小朋友已經拎咗飲品，
無理由就咁走咗去，咁就算啦。。
小朋友揀好食咩，
到我同友人揀緊之際，
其中一個小朋友突然爆喊，
嚇到我以為佢整親。。
問極一路都無講咩事，問另一個小朋友，
佢話佢飲品俾經理收咗。。
咪問經理發生咩事，佢話我哋唔係放題，
飲品係要落單先有，我理解既，
咁就叫佢照落單計錢，俾返頭先小朋友個飲品佢，
唔該！我係好好態度的。。
個下我真心以為係一場誤會。。
安撫完小朋友，相安無事繼續食。。
叫咗剌身，酸菜魚同點心。。
剌身，對一間唔係專業既嚟講，
期望不嬲都唔會太大。。
但未至於差過連鎖壽司店掛？
酸菜魚味道係ok既，所以友人先想返嚟食，小朋友都覺得好食所以都想食既。。
點心就不過不失啦。。
佢個蘿蔔糕係好食既。。
食到咁上下，last order。。
兩位小朋友話想食甜品。。
我哋就落單叫雪糕，
到結帳既時候，友人去咗洗手間，
因為係友人結帳。。所以同伙計講。。
佢話，唔緊要，我係度等，
然後企咗係枱望住我哋一大兩小食野。。
我哋三個O咗咀。。
我仲聽到佢用耳機講，爭呢張枱。。
然後又唔知點解走咗去。。
友人返嚟。。見到張單，同佢講，你未計雪糕喎，伙計話：「咁你放低xxx（cash）得啦，我懶得行呀」，但友人係放咗張卡，打算簽卡的。。
最後佢都係要更新張單再嚟，隔離伙計過埋嚟同佢講，你要拎前後張單同客人對清楚先得架。。
埋單走人，兩個小朋友話，唔會再食呢間野。。
以為故事咁就完結。。諗住算數。。
點知事後。。小朋友同我講返。。
真相大白。。
原來當時。。佢出去拎飲品既時候，諗住拎埋豉油個d…經理凶佢問佢做咩野。。
唔怪得之。。
剩係收拎豉油個個小朋友既飲品啦，
另一個無事無收到架。。
友人都有出去拎過豉油返嚟呀，都無人阻止過。。
人善被人欺，我承認我有疏忽。。
我會檢討自己。。
但都不能容忍你哋。。
恰細路好叻咩。。
唔係一個小朋友可以作個故事出嚟呀嘛？
係既話。。佢係天才喇。。
我會多謝你哋都嚟唔切，
你哋令我發掘到個天才呀。。
其實唔想做咪唔好做。。
或者不如直接話我知，唔想做我哋生意。。
我哋阻住你哋。。我哋咪走囉。。
又唔係得你一間可以食。。
呢間野再好食，我都唔會再食。。
講完。。
张贴