為食火鍋公司

营业中

休息中

發現咗一間喺牛頭角嘅好多round任食邊爐🤣一個價錢食足5樣嘢，都幾抵☺️第一round係小食，選擇都唔少，可惜當日冇咗我最鍾意嘅炸蕃薯條🥺不過有薯條，一樣咁開心🥳第二round係刺身，刺身有三款，三文魚、蝦同北極貝。第三round係雞煲或者酸菜魚，雞煲可以任食，我哋驚太飽，所以都係揀酸菜魚。佢份量唔會好多，但每片都好入味，唔錯。第四round係海鮮拼盤，生蠔好肥美，蝦都幾大隻，仲有元貝、蜆同魚。我哋揀咗鮮茄薯仔湯底，同所有食物都幾夾。第五round係牛肉呀，海鮮打完邊爐就梗係要食肉啦，佢有幾種肉啊，當中最好味係手切牛頸脊同埋潮州吊龍伴，肥瘦適中，烚一陣就好食啦，仲有黃喉都好爽口，正。二百幾蚊有咁多嘢食，都幾抵，近排天氣凍咗咁多，真係好啱去打邊爐。