品穀

营业中

休息中

我已幫襯這間包店多次。磨菇包、朱古力包、紫薯包、海鹽布里歐、吞拿魚、明太子、牛角包、開心果雪山……每款都至少試了一次，款款好味道。健康的考慮，我較多買貝果：原味、海苔肉鬆、莓、宇治……又係款款好味。就算隔日焗返熱食，仍是軟軟熟熟，質素必屬中上。至於酸種包，看似平平無奇，但外脆內軟亦夠濕潤，蘸橄欖油和意大利醋，配埋牛油果，便成了好味的早餐。酸種包挺受歡迎，好多時平日下午6點前已賣晒，想食酸種包，預早一點買便穩鎮點。價錢偏貴，但我覺得還是合理價。